పెన్నులకూ హార్ట్‌బీట్‌.. ఆక్సీమీటర్లు మోసమా?

ప్రచారం
పెన్నులు, పెన్సిళ్లు, వస్తువులకు కూడా పల్స్‌ ఆక్సీమీటర్లు పల్స్‌ రేటును, ఆక్సిజన్‌ స్థాయిని చూపిస్తున్నాయి. ఆక్సీమీటర్‌ తయారీ ఓ పెద్ద మోసం అంటూ సామాజిక మాధ్యమాల్లో ఓ వీడియో వైరల్‌ అవుతున్నది. పెన్నును పల్స్‌ ఆక్సీమీటర్‌లో పెడితే పల్స్‌ రేటు చూపిస్తున్నట్టు ఆ వీడియోలో ఉన్నది.

వాస్తవం
పల్స్‌ ఆక్సీమీటర్లలో ఓ వైపు సెన్సర్లు, మరోవైపు ఎరుపు, ఇన్‌ఫ్రారెడ్‌ కాంతి వచ్చే ఏర్పాట్లు ఉంటాయి. పల్స్‌ చూసుకొనేప్పుడు ఈ కాంతి వేలి గుండా ప్రయాణించి సెన్సర్‌పై పడుతుంది. సెన్సర్‌పై పడే కాంతిని బట్టి ఆక్సిజన్‌ స్థాయి, పల్స్‌ రేటు తెలుస్తుంది. అయితే పెన్నులు, పెన్సిళ్లు లాంటి వస్తువులు పెట్టినప్పుడు కాంతి వాటిని దాటి వెళ్లినప్పుడు కూడా సెన్సర్‌ పసిగట్టి హార్ట్‌ బీట్‌ను చూపిస్తుంది. అంతే తప్ప పల్స్‌ ఆక్సీమీటర్లు మోసం కాదు.