GMail | జీమెయిల్‌ యూజర్లకు అలర్ట్‌.. అలాంటి అకౌంట్లను డిలీట్‌ చేస్తామని వార్నింగ్‌ ఇచ్చిన గూగుల్‌

GMail | కనీసం రెండేండ్ల నుంచి ఎలాంటి యాక్టివిటీ లేకుండా నిరుపయోగంగా ఉన్న లక్షల జీమెయిల్‌ ఖాతాలను డిలీట్‌ చేయనున్నట్టు మే నెలలోనే హెచ్చరించిన గూగుల్‌.. వచ్చే నెల నుంచి దశలవారీగా ఈ ప్రక్రియను మొదలుపెట్టనున్నట్టు తాజాగా ప్రకటించింది.

GMail |  న్యూఢిల్లీ, నవంబర్‌ 10: కనీసం రెండేండ్ల నుంచి ఎలాంటి యాక్టివిటీ లేకుండా నిరుపయోగంగా ఉన్న లక్షల జీమెయిల్‌ ఖాతాలను డిలీట్‌ చేయనున్నట్టు మే నెలలోనే హెచ్చరించిన గూగుల్‌.. వచ్చే నెల నుంచి దశలవారీగా ఈ ప్రక్రియను మొదలుపెట్టనున్నట్టు తాజాగా ప్రకటించింది. ఖాతాల తొలగింపునకు ముందు వాటి యూజర్లకు కొన్ని నెలలపాటు హెచ్చరికలు పంపుతామని, తొలగింపునకు గురయ్యే ఖాతాతోపాటు రికవరీ మెయిల్‌కు కూడా ఈ సందేశం వస్తుందని తెలిపింది.

కనీసం రెండేండ్ల నుంచి వినియోగించకుండా, లాగిన్‌ కాకుండా ఉన్న జీమెయిల్‌ ఖాతాలతోపాటు వాటికి అనుసంధానమై ఉన్న డాక్స్‌, డ్రైవ్‌, మీట్‌, క్యాలెంటర్‌, గూగుల్‌ ఫొటోస్‌లోని కంటెంట్‌ను సైతం తొలగించనున్నట్టు స్పష్టం చేసింది.