Bathukamma Celebrations | ఫ్రిస్కో నగరంలో అంబరాన్నంటిన ‘టి-ప్యాడ్’ బతుకమ్మ సంబరాలు .. ప్రత్యేక ఆకర్షణగా నవీన్ పోలిశెట్టి
Bathukamma Celebrations | విదేశాల్లో బతుకమ్మపండుగను విశేషరీతిలో నిర్వహించడంలో ప్రసిద్ధి పొందిన ‘టి-ప్యాడ్’ ఈ దఫా 15వేల మందితో వేడుకలను భారీ ఎత్తున నిర్వహించింది.
ఫ్రిస్కో: విదేశాల్లో బతుకమ్మపండుగను విశేషరీతిలో నిర్వహించడంలో ప్రసిద్ధి పొందిన ‘టి-ప్యాడ్’ ( T-PAD) ఈ దఫా 15వేల మందితో వేడుకలను భారీ ఎత్తున నిర్వహించింది. అమెరికా ( America ) లోని టెక్సాస్ రాష్ట్రం ఫ్రిస్కో ( Frisco ) నగరంలో గల ప్రతిష్టాత్మక కొమెరికా సెంటర్ వేదికగా నిర్వహించిన బతుకమ్మ సంబరాలకు ( Bathukamma Celebrations ) తెలుగువారు భారీగా పోటెత్తారు. ఉదయం నుంచి రాత్రి వరకు నిరంతరాయంగా వేడుకలకు హాజరై విజయవంతం చేశారు.

బతుకమ్మ ఆటపాటలు ప్రాంగణానికి తెలంగాణ సంప్రదాయ పరిమళాలతో కొత్త వన్నెలద్దాయి. కనీసం వెయ్యి మందికి పైగా మహిళలు, యువతులు సాంప్రదాయ దుస్తుల్లో బతుకమ్మ ఆడారు. అనంతరం శాస్త్రోక్తంగా, పద్ధతి ప్రకారం బతుకమ్మల నిమజ్జన నిర్వహించారు. ప్రాంగణంలో ఏర్పాటు చేసిన భారీ బతుకమ్మ ప్రత్యేక ఆకర్షణగా నిలిచింది. కార్యక్రమంలో భాగంగా ప్రదర్శించిన మహిషాసుర మర్ధిని నృత్యరూపం ఆకట్టుకుంది.
ఉర్రూతలూగించిన నవీన్ పోలిశెట్టి

వేడుకల్లో భాగంగా నిర్వహించిన ప్రైమ్ టైమ్ ఈవెంట్ అత్యంత ప్రధాన ఆకర్షణగా నిలిచింది. ప్రముఖ సినీ నటుడు నవీన్ పోలిశెట్టి ఈ వేడుకలకు ప్రత్యేకంగా హాజరై సందడి చేశారు. సభికులతో నేరుగా మాట్లాడుతూ చమక్కులు విసురుతూ, యువతతో పాటు చిన్నపిల్లలను వేదికపైకి ఆహ్వానించి వారితో కలిసి డ్యాన్స్ చేస్తూ ప్రాంగణాన్ని ఉర్రూత లూగించారు. ప్రముఖ గాయకుడు కృష్ణ చైతన్య నేతృత్వంలోని ‘ఇన్ఫ్యూజన్ బ్యాండ్’ సంగీత విభావరి ప్రేక్షకులను మంత్రముగ్ధులను చేసింది.
ఈ భారీ కార్యక్రమాన్ని టి-ప్యాడ్ ప్రెసిడెంట్ లక్ష్మి పోరెడ్డి, ఫౌండేషన్ కమిటీ చైర్ రఘువీర్ బండారు, బోర్డ్ ఆఫ్ ట్రస్టీ చైర్ రవికాంత్ మామిడి, కోఆర్డినేటర్ లింగారెడ్డి ఆల్వ నాయకత్వం లో విజయవంతం చేశారు. దాదాపు 20 కమిటీలకు చెందిన వాలంటీర్లు గడిచిన రెండు మూడు నెలలుగా రేయింబవళ్లు శ్రమించి ఈవెంట్ను మరపురానిదిగా నిలపడంలో తీవ్ర కృషి చేశారు. కట్టుదిట్టమైన భద్రతా ఏర్పాట్లు, సురక్షితమైన సెక్యూరిటీ చెకింగ్స్తో ఎలాంటి ఇబ్బందులు లేకుండా అత్యంత సాఫీగా సాగింది. కార్యక్రమం విజయవంతమైన సందర్భం గా టి-ప్యాడ్ నాయకత్వం ప్రత్యేక ధన్యవాదాలు తెలియ జేసింది.
Read Today's Latest Nri News in Telugu and Telugu News
RELATED ARTICLES
తాజా వార్తలు
Cancer | 50 రకాల క్యాన్సర్లను ముందుగానే గుర్తించే కొత్త రకమైన పరీక్ష.. ఏంటిది.. క్యాన్సర్ను ఎలా గుర్తిస్తుంది..?
Cyclone | ఏపీకి పొంచి ఉన్న మరో తుపాను ముప్పు
Harish Rao | మూడు బడ్జెట్లు.. అవే హామీలు.. అమలెక్కడ?.. ఆరు గ్యారంటీల వైఫల్యాలపై రాహుల్కు హరీశ్రావు ప్రశ్నలు!
Tamil Cinema | ఇది తమిళ నామ సంవత్సరం.. ఇండియన్ బాక్సాఫీస్ను ఊపేస్తున్న కోలీవుడ్!
YS Jagan | ఇంజినీరింగ్ విద్యార్థి ఆత్మహత్యాయత్నానికి చంద్రబాబు, లోకేష్ కారణం : వైఎస్ జగన్ మోహన్రెడ్డి
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

