సొడాయి చికెన్‌..రుచి అదిరెన్‌.. ఈ గిరిజ‌న వంట‌కం త‌యారీ ఓ స్పెష‌ల్‌..!!

ఆయిల్‌.. మిర్చి లేకుండా చికెన్‌ కర్రీ.. టేస్ట్ చూస్తే జ‌న్మ‌లో మ‌రిచిపోరు మ‌రీ.. నూనె, మిర్చి లేకుండా టేస్ట్‌ ఎలా వ‌స్తుంద‌ని ఆశ్చ‌ర్య‌పోతున్నారా? అదే మ‌రి సొడాయి స్పెషాలిటీ… గిరిజనులు అడవిలో వేటాడిన జంతువు రక్తం, చింతపండు రసంతో చేసేదే సొడాయి వంటకం. ఈ వంటకాన్ని ధూళిమిట్ట మండలం హనుమతండా పరిధి శిబ్బితండాకు చెందిన దేవేందర్‌ ఎనిమిదేండ్లుగా అక్క‌డి ప్ర‌జ‌ల‌కు రుచిచూపిస్తున్నాడు. ఒక్క‌సారి తిన్న మాంస ప్రియులు ఇతని వద్దకు క్యూక‌డుతున్నారు. జొన్న రొట్టె, సొడాయి చికెన్‌ కాంబోకు స్థానికులు ఫిదా అవుతున్నారు. ఈ సొడాయి చికెన్ ఎలా వండాలో తెలుసుకోవాలంటే ఈ వీడియో చూడండి..