తల్లి కాబోతున్న సోనమ్‌

బాలీవుడ్‌ అగ్రతార సోనమ్‌ కపూర్‌ తల్లి కాబోతున్నది. సోషల్‌ మీడియా ద్వారా ఆమె ఈ విషయాన్ని వెల్లడించింది. భర్త ఆనంద్‌ అహూజాతో కలిసి ఉన్న ఫోటోను షేర్‌ చేసిన సోనమ్‌..బిడ్డకు జన్మనివ్వనున్న సంగతి తెలిపింది. సోనమ్‌ స్పందిస్తూ…‘నిన్ను గొప్ప బిడ్డగా పెంచుకుంటాం. నీ ప్రతి అడుగులో తోడుంటాము. నీవు కోరుకున్న విషయంలో సహకరిస్తూ కావాల్సినంత ప్రేమ కురిపిస్తాము. నిన్ను చూసేందుకు, స్వాగతం చెప్పేందుకు ఎదురుచూస్తున్నాము’ అని చెప్పింది. అగ్ర నటుడు అనిల్‌ కపూర్‌ కూతురిగా సోనమ్‌ కపూర్‌ తెరంగేట్రం చేసింది. ‘ఐషా’, ‘రాన్‌జానా’, ‘ప్రేమ్‌ రతన్‌ ధన్‌ పాయో’, ‘నీర్జా’ లాంటి చిత్రాలతో పేరున్న తారగా ఎదిగింది. వ్యాపారవేత్త ఆనంద్‌ అహూజాను 2018లో వివాహం చేసుకుంది. పెళ్లి తర్వాత సినిమాల వేగం తగ్గించిందీ నాయిక.