ఇ‘స్మార్ట్‌’ హౌస్‌వైఫ్‌!

యూట్యూబ్‌లో మీరు ఏం వెతుకుతారు? అని అడిగితే, ఎక్కువ మంది చెప్పేది వంటల గురించే. రుచుల ప్రపంచాన్ని ప్రతి ఒక్కరి చేతిలోకి తీసుకొచ్చిందీ మాధ్యమం. వంటింటి చిట్కాలు, ఇంటి అలంకరణకు సంబంధించిన విషయాలు కూడా మహిళల్ని బాగా ఆకట్టు కుంటాయి. వీటన్నిటి కలబోతగా తన ఛానెల్‌ని తీర్చిదిద్దింది హైదరాబాద్‌కు చెందిన మోర్ల స్వప్న. ఇంటి బాధ్యతల్ని తెలివిగా నెరవేర్చే ఆడవాళ్ల పేరుమీద ‘స్మార్ట్‌ తెలుగు హౌస్‌వైఫ్‌' అని నామకరణం చేసింది.

యూట్యూబ్‌లో మీరు ఏం వెతుకుతారు? అని అడిగితే, ఎక్కువ మంది చెప్పేది వంటల గురించే. రుచుల ప్రపంచాన్ని ప్రతి ఒక్కరి చేతిలోకి తీసుకొచ్చిందీ మాధ్యమం. వంటింటి చిట్కాలు, ఇంటి అలంకరణకు సంబంధించిన విషయాలు కూడా మహిళల్ని బాగా ఆకట్టు కుంటాయి. వీటన్నిటి కలబోతగా తన ఛానెల్‌ని తీర్చిదిద్దింది హైదరాబాద్‌కు చెందిన మోర్ల స్వప్న. ఇంటి బాధ్యతల్ని తెలివిగా నెరవేర్చే ఆడవాళ్ల పేరుమీద ‘స్మార్ట్‌ తెలుగు హౌస్‌వైఫ్‌’ అని నామకరణం చేసింది.

నలుగురితో కొన్ని రెసిపీలు పంచుకుందామని సరదాగా ప్రారంభించిన ఈ ఛానెల్‌లోని వంటలు, చిట్కాలు ఎందరినో ఆకట్టుకున్నాయి. ఆ ఆదరణ చూసి గత నాలుగేండ్లలో వెయ్యికి పైగా వీడియోలు అప్‌లోడ్‌ చేసింది ఈ స్మార్ట్‌ హౌస్‌వైఫ్‌. స్వప్న చేసిన ఉల్లిగడ్డ పకోడీకి 21 లక్షలు, పాలకూర పప్పుకు 13 లక్షలకుపైగా వ్యూస్‌ వచ్చాయంటే ఆమె రెసిపీలకు ఎంత పాపులారిటీ ఉందో అర్థం చేసుకోవచ్చు. ఇవేకాదు సౌందర్య సంరక్షణకు సంబంధించిన సలహాలు, ఇంటిని సులభంగా శుభ్రం చేయగలిగే పద్ధతులూ చెబుతారు స్వప్న. కాలక్షేపానికి ప్రారంభించినా, తన ఈ ఛానెల్‌ ఎందరో అభిమానుల్ని సంపాదించి పెట్టడం ఆనందంగా ఉందంటారు స్వప్న. త్వరలో మరిన్ని వీడియో విందులు ఖాయం.