మా చిత్తశుద్ధికి అవార్డులే నిదర్శనం
- స్వచ్ఛ సర్వేక్షణ్ అవార్డులు ప్రభుత్వ కృషి ఫలితం
- పురపాలికల నిబద్ధత, కృషితోనే ఇది సాధ్యమైంది
- రాష్ట్ర సమగ్రాభివృద్ధి దిశగా ప్రభుత్వం కృషి
- స్వచ్ఛ అవార్డు గ్రహీతలతో మంత్రి కేటీఆర్ భేటీ
- మరింత వేగంగా పట్టణాల అభివృద్ధికి పిలుపు

హైదరాబాద్, నవంబర్ 21 (నమస్తే తెలంగాణ): పట్టణాలు, గ్రామీణ ప్రాంతాలన్న తేడా లేకుండా తెలంగాణ సమగ్ర అభివృద్ధి దిశగా రాష్ట్ర ప్రభుత్వం కృషి చేస్తున్నదని పురపాలకశాఖ మంత్రి కే తారకరామారావు తెలిపారు. పట్టణాభివృద్ధి ద్వారా రాష్ట్రాన్ని మరింత వేగంగా ముందుకు తీసుకెళ్లేందుకు అవకాశం ఉంటుందని అన్నారు. పట్టణాభివృద్ధిలో తమ చిత్తశుద్ధికి ఈ ఏడాది వివిధ పురపాలక సంఘాలు సాధించిన స్వచ్ఛ సర్వేక్షణ్ అవార్డులే నిదర్శనమని పేర్కొన్నారు.
స్వచ్ఛ సర్వేక్షణ్- 2021 అవార్డులు సాధించిన పురపాలికల మేయర్లు, చైర్పర్సన్లు, కమిషనర్లు, ఉన్నతాధికారులకు కేటీఆర్ అభినందనలు తెలిపారు. ఆదివారం ఈ అవార్డులు అందుకున్న పురపాలికల అధికారులు, నేతలతో ఢిల్లీలో కేటీఆర్ సమావేశమయ్యారు. రాష్ట్రంలోని పట్టణాలు, నగరాల సర్వతోముఖాభివృద్ధికి గతంలో ఎన్నడూ లేని విధంగా నిధులు ఇస్తున్నామని చెప్పారు. పట్టణప్రగతి వంటి ప్రత్యేక కార్యక్రమాల ద్వారా నగరాలను స్వచ్ఛంగా, సుందరంగా తీర్చిదిద్దుతున్నామని వివరించారు.
జాతీయస్థాయిలో జయకేతనం
తెలంగాణ ప్రభుత్వం ఏర్పడిన తర్వాత ప్రవేశపెట్టిన వినూత్న కార్యక్రమాలు, పథకాలతో పట్టణాల్లో గుణాత్మక మార్పులు వచ్చాయని కేటీఆర్ తెలిపారు. పట్టణ పాలన విషయంలో పీఎం స్వనిధి వంటి కార్యక్రమాల్లోనూ జాతీయస్థాయిలో అగ్రస్థానంలో నిలుస్తున్నామని గుర్తుచేశారు. సఫాయి మిత్ర పథకంలో దేశంలో రెండోస్థానంతోపాటు 11 స్వచ్ఛ సర్వేక్షణ్ అవార్డులు రావటం తెలంగాణకు గర్వకారణమన్నారు.
పురపాలకశాఖ సిబ్బంది, పురపాలికల ప్రజాప్రతినిధుల నిబద్ధత, కృషితోనే ఇది సాధ్యమైందని ప్రశంసించారు. అవార్డులు సాధించిన పురపాలక సంఘాలను స్ఫూర్తిగా తీసుకొని ఇతర పట్టణాలు చురుగ్గా అభివృద్ధి కార్యక్రమాలను అమలుచేయాలని పిలుపునిచ్చారు. మంత్రి కేటీఆర్ స్వయంగా కలిసి అభినందించడం పట్ల పురపాలక సంఘాల ప్రజాప్రతినిధులు సంతోషం వ్యక్తంచేశారు. కేటీఆర్ నాయకత్వంలో పట్టణాలను మరింతవేగంగా అభివృద్ధి చేస్తామని తెలిపారు.
Read Today's Latest News News in Telugu and Telugu News
RELATED ARTICLES
తాజా వార్తలు
Motivational Story | పొలంలో ముల్లు గుచ్చుకుంటే ఆగలేదు.. అడవిలో పాములను చూసి ఎందుకు భయపడ్డాడు?.
Ant Story | ఓ చిన్న చీమ చెప్పిన గొప్ప జీవిత పాఠం.. ఖురాన్లో ప్రస్తావించిన అద్భుత కథ
Karthika Masam | కార్తిక మాసాన్ని హరిహర మాసం అని ఎందుకంటారు? దీపారాధన నుంచి తులసీ పూజ వరకు ప్రతి ఆచారం వెనుక ఉన్న రహస్యం ఇదే!
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
SIR Voter List | ఓటర్లకు ఈసీ భారీ ఊరట.. ఫామ్-6 దాఖలు చేస్తే కేసులు పెట్టరు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

