Belraj Kalarickal | తొలి వెబ్‌సిరీస్ విడుద‌లైన‌ తెల్లారే గుండెపోటుతో యువ ద‌ర్శ‌కుడు మృతి..!

Belraj Kalarickal | మలయాళ చిత్ర పరిశ్రమ (Malayala Film Industry) లో విషాదం చోటుచేసుకుంది. త‌న తొలి వెబ్‌సిరీస్ (First Web Series) విడుద‌లైన‌ తెల్లారే యువ దర్శకుడు బెల్రాజ్ కలరిక్కల్ (Belraj Kalarickal) హ‌ఠాన్మ‌ర‌ణం పాల‌య్యారు. ఇర‌వై ఏడేళ్ల బెల్రాజ్‌ కొచ్చి (Kocchi) లోని ఒక హోటల్ గదిలో విగతజీవిగా కనిపించాడు. దాంతో కలకలం రేగింది. బెల్రాజ్ గుండెపోటుతో మృతిచెందిన‌ట్లు తెలుస్తున్న‌ది.

Belraj Kalarickal : మలయాళ చిత్ర పరిశ్రమ (Malayala Film Industry) లో విషాదం చోటుచేసుకుంది. త‌న తొలి వెబ్‌సిరీస్ (First Web Series) విడుద‌లైన‌ తెల్లారే యువ దర్శకుడు బెల్రాజ్ కలరిక్కల్ (Belraj Kalarickal) హ‌ఠాన్మ‌ర‌ణం పాల‌య్యారు. ఇర‌వై ఏడేళ్ల బెల్రాజ్‌ కొచ్చి (Kocchi) లోని ఒక హోటల్ గదిలో విగతజీవిగా కనిపించాడు. దాంతో కలకలం రేగింది. బెల్రాజ్ గుండెపోటుతో మృతిచెందిన‌ట్లు తెలుస్తున్న‌ది.

కాగా బెల్రాజ్ దర్శకత్వం వహించిన తొలి వెబ్ సిరీస్ ‘కప్పి స్క్వాడ్’ శుక్రవారమే జియో హాట్‌స్టార్‌లో విడుదలైంది. మ‌రుస‌టి రోజే ఆయ‌న ప్రాణాలు కోల్పోయారు. ఆరేళ్లుగా ఓ మ‌హిళ‌ను ప్రేమిస్తున్న ఆయ‌న.. గత సెప్టెంబర్‌లోనే వివాహం చేసుకున్నారు. అటు వృత్తిగతంగా ఇటు వ్యక్తిగత జీవితంలో స్థిరపడుతున్న తరుణంలో బెల్రాజ్ అకాల మరణం చిత్ర పరిశ్రమను తీవ్ర దిగ్భ్రాంతికి గురిచేసింది.

గతంలో ‘నిజల్’, ‘మధురం’, ‘డాకిని’ వంటి చిత్రాలకు బెల్రాజ్ సహాయ దర్శకుడిగా పనిచేశారు. ‘కప్పి స్క్వాడ్’ వెబ్ సిరీస్‌తో ఆయన పూర్తిస్థాయి దర్శకుడిగా పరిచయమయ్యారు. రినోష్ జార్జ్, అనఘ అజిత్, దియా దీపన్, జోయెల్ జోసెఫ్ ప్రధాన పాత్రల్లో న‌టించిన‌ ఈ సిరీస్.. నలుగురు యువకుల స్టార్టప్ కలల నేపథ్యంలో సాగుతుంది. శ్రీకాంత్ మోహన్ రూపొందించిన ఈ సిరీస్‌ను ప్రముఖ నిర్మాత రాహుల్ రిజి నాయర్ నిర్మించారు.