పుట్టపాక మహిళకు కొండా లక్ష్మణ్ బాపూజీ అవార్డు

సంస్థాన్ నారాయణపురం: పుట్టపాక గ్రామ చేనేత కళాకారుల నైపుణ్యం ప్రపంచం మొత్తం ఘనంగా కీర్తిస్తుంది. పుట్టపాక చేనేత కళాకారులు తయరు చేసిన తేలియా రుమాలు తోపాటు డబుల్ ఇక్కత్ డాబిబోన్ చీర, డబుల్ ఇక్కత్ డాబి బోన్ దుబ్బటి పలు వస్త్రలను ప్రప్రంచ దేశాలను ఆకర్షిస్తున్నాయి. ఇప్పటి వరకు పుట్టపాక చేనేత కళాకారుల నైపుణ్యానికి రెండు పద్మ శ్రీ అవార్డులతో పాటు పలు జాతీయ అవార్డులు కూడా వరించాయి. రాష్ట్ర ప్రభుత్వం ప్రతి ఏటా అందించే కొండా లక్ష్మణ్ బాపూజీ అవార్డు ప్రకృతి సిద్ధమైన రంగులతో తేలియా రుమాలు తయారు చేసిన పుట్టపాక గ్రామానికి చెందిన అయిటిపాముల నీరజను వరించింది. ఈ అవార్డును చేనేత దినోత్సవం సంధర్భంగా ఈనెల 7న హైదరాబాద్‌లో అందించనున్నారు.

పుట్టపాక గ్రామానికి చెందిన అయిటిపాముల శంకర్ నీరజ దంపతులు నిరుపేద చేనేత కార్మికులు. తరతరాలుగా వారసత్వంగా వస్తున్న చేనేత వృత్తిని నమ్ముకుని జీవనం సాగిస్తున్నారు. వంద ఎండ్లుగా వీరి కుటుంబ సభ్యులు తేలియా రుమాలును తయరు చేస్తున్నారు. వీరికి ఇద్దరు కూతుళ్లు, ఒక కుమారుడు ఉన్నారు. భర్త ప్రోత్సాహంతోనే తేలియా రుమాలును తయారు చేశానని లెలుపుతూ అవార్డు రావడంపై నీరజ సంతోషం వ్యక్తం చేశారు. రాష్ట్ర ప్రభుత్వం ఉచితంగా ఆసు యంత్రం అందజేయడంపై నీరజ ప్రభుత్వానికి కృతజ్ఞతలు తెలిపింది.