ఆశయమే శ్వాసగా..

సామాన్య యువకుడు గని తన లక్ష్యం నెరవేర్చుకోవడానికి బాక్సింగ్‌ బరిలోకి దిగుతాడు. ఈ క్రమంలో అతనికి ఎదురైన పరిణామాలేమిటి? ఆశయసాధన కోసం అతను సాగించిన అలుపెరుగని పోరాటం చివరకు ఏ గమ్యానికి చేరిందో తెలుసుకోవాలంటే మా సినిమా చూడాల్సిందే’ అంటున్నారు కిరణ్‌ కొర్రపాటి. ఆయన దర్శకత్వంలో వరుణ్‌తేజ్‌ కథానాయకుడిగా ఈ చిత్రం ఈ నెల 25న ప్రేక్షకుల ముందుకురానుంది. అల్లు బాబీ, సిద్ధు ముద్ద నిర్మాతలు. ‘ఇటీవల విడుదలైన పాటలకు మంచి స్పందన లభిస్తున్నది. ఆద్యంతం భావోద్వేగా ప్రధానంగా నడిచే చిత్రమిది. బాక్సర్‌గా వరుణ్‌తేజ్‌ పాత్ర చిత్రణ గత చిత్రాలకు పూర్తి వైవిధ్యంగా ఉంటుంది’ అని చిత్రబృందం తెలిపింది. జగపతిబాబు, సునీల్‌శెట్టి, ఉపేంద్ర తదితరులు నటిస్తున్న ఈ చిత్రానికి సినిమాటోగ్రఫీ: జార్జ్‌ సి విలియమ్స్‌, ఎడిటర్‌: మార్తాండ్‌ కె వెంకటేష్‌, సంగీతం: తమన్‌, సమర్పణ: అల్లు అరవింద్‌, దర్శకత్వం: కిరణ్‌ కొర్రపాటి.