Earthquake | పనామాలో భారీ భూకంపం.. రిక్టర్ స్కేలుపై 7.6 తీవ్రత నమోదు..!
Earthquake | ఉత్తర, దక్షిణ అమెరికాల మధ్య ఉన్న గణతంత్ర పనామా (Panama) దేశంలో శుక్రవారం భారీ భూకంపం (Earthquake) చోటుచేసుకుంది. దేశ దక్షిణ తీర ప్రాంతంలో 7.6 తీవ్రతతో శక్తివంతమైన భూకంపం సంభవించింది. దాంతో అధికారులు వెంటనే పసిఫిక్ తీర ప్రాంతాలకు సునామీ హెచ్చరికలు (Tsunami Alert) జారీచేశారు.
Earthquake : ఉత్తర, దక్షిణ అమెరికాల మధ్య ఉన్న గణతంత్ర పనామా (Panama) దేశంలో శుక్రవారం భారీ భూకంపం (Earthquake) చోటుచేసుకుంది. దేశ దక్షిణ తీర ప్రాంతంలో 7.6 తీవ్రతతో శక్తివంతమైన భూకంపం సంభవించింది. దాంతో అధికారులు వెంటనే పసిఫిక్ తీర ప్రాంతాలకు సునామీ హెచ్చరికలు (Tsunami Alert) జారీచేశారు. అయితే ఆ తర్వాత ప్రమాదం తప్పిందని నిర్ధారించి సునామీ హెచ్చరికలను ఉపసంహరించుకున్నారు.
అమెరికా జియోలాజికల్ సర్వే ప్రకారం.. పిటలోజా అరిబా సమీపంలో భూమికి కేవలం 10 కిలోమీటర్ల లోతులో భూకంప కేంద్రం ఉన్నట్లు అధికారులు గుర్తించారు. భూకంప తీవ్రతను తొలుత 8.0 గా అంచనా వేశారు. కానీ ఆ తర్వాత 7.6 కు సవరించారు. ఈ భూకంపం ధాటికి పనామా నగరంలోని భవనాలు కంపించాయి. పొరుగున ఉన్న కోస్టారికా దేశ రాజధానిలోనూ భూప్రకంపనలు చోటుచేసుకున్నాయి.
భయంతో ప్రజలు ఇళ్ల నుంచి కార్యాలయాల నుంచి బయటకు పరుగులు తీశారు. పెనోనోమే నగరంలోని ఒక కేథడ్రల్ టవర్ కూలిపోయిందని, మరికొన్ని నిర్మాణాలకు నష్టం వాటిల్లిందని ప్రాథమిక నివేదికలు చెబుతున్నాయి. పలు ప్రాంతాల్లో విద్యుత్ సరఫరాకు అంతరాయం ఏర్పడింది. భూకంపం సంభవించిన వెంటనే యూఎస్ సునామీ వార్నింగ్ సిస్టమ్ పనామా, కొలంబియా, ఈక్వడార్ సహా మధ్య అమెరికా పసిఫిక్ తీరాలకు సునామీ హెచ్చరికలు జారీచేసింది.
కొన్ని చోట్ల 1 నుంచి 3 మీటర్ల ఎత్తు వరకు అలలు ఎగసిపడవచ్చని అంచనా వేసింది. అయితే కొంతసేపటి తర్వాత పసిఫిక్ సునామీ వార్నింగ్ సెంటర్ పరిస్థితిని సమీక్షించి, పెద్ద ప్రమాదం ఏమీ లేదని ప్రకటించింది. దాంతో సునామీ హెచ్చరికలను ఎత్తివేశారు. ప్రధాన భూకంపం తర్వాత 6.6 తీవ్రతతో సహా పలుమార్లు భూమి కంపించింది. ఈ ఘటనలో ప్రాణనష్టంపై వెంటనే స్పష్టత రాలేదని, కొందరికి గాయాలయ్యాయని స్థానిక అధికారులు తెలిపారు.
ప్రజలు సంయమనం పాటించాలని పనామా అధ్యక్షుడు జోస్ రాఉల్ ములినో కోరారు. పనామా కెనాల్ కార్యకలాపాలు యథాతథంగా కొనసాగుతున్నాయని అధికారులు చెప్పారు. ప్రస్తుతం అధికారులు నష్టాన్ని అంచనావేసే పనిలో ఉన్నారు.
Read Today's Latest News News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

