ఆదాయపు పన్ను ఈ-ఫైలింగ్ కోసం మరిన్ని సడలింపులు

ఢిల్లీ ,జూలై : ఇన్ కమ్ టాక్స్ ఫామ్స్ ఎలక్ట్రానిక్ ఫైలింగ్ కోసం కేంద్ర ప్రత్యక్ష పన్నుల బోర్డు(సీబీడీటీ) మరిన్ని సడలింపులిచ్చింది. 1961 ఆదాయపు పన్ను చట్టం ప్రకారం.. ఫారం 15CA / 15CBని ఎలక్ట్రానిక్ పద్ధతిలో సమర్పించాల్సిఉంటుంది. ప్రస్తుతం పన్ను చెల్లింపుదారులు ఫామ్ 15CAతోపాటు 15CBలో వర్తించేవారు చార్టర్డ్ అకౌంటెంట్ సర్టిఫికెట్ ను ఏదైనా విదేశీ చెల్లింపుల కోసం అధీకృత డీలర్‌కు కాపీని సమర్పించే ముందు ఈ-ఫైలింగ్ పోర్టల్‌లో అప్‌లోడ్ చేస్తారు.

www.incometax.gov.in పోర్టల్‌లో ఇన్ కమ్ టాక్స్ ఫామ్స్ 15CA / 15CB ఎలక్ట్రానిక్ ఫైలింగ్‌లో ఇబ్బందులు తలెత్తుతున్నాయంటూ పన్ను చెల్లింపుదారులు పేర్కొన్న దృష్ట్యా.. 2021 జూలై 15 వరకు 15CA / 15CB ఫారమ్‌లను మాన్యువల్ ఫార్మాట్‌లో అధీకృత డీలర్లకు సమర్పించవచ్చని ఇంతకు ముందే నిర్ణయించిన కేంద్ర ప్రత్యక్ష పన్నుల బోర్డు.. తాజాగా ఆ తేదీని 2021 ఆగస్టు 15 వరకు పొడిగించాలని నిర్ణయించింది. పన్ను చెల్లింపుదారులు ఇప్పుడు ఆ ఫారాలను మాన్యువల్ ఫార్మాట్‌లో ఆగస్టు 15 వరకు అధీకృత డీలర్లకు సమర్పించవచ్చు. కొత్త ఈ -ఫైలింగ్ పోర్టల్ లో ఈ ఫామ్స్ డాక్యుమెంట్ ఐడెంటిఫికేషన్ నంబర్ తర్వాత అప్ లోడ్ చేసే వెసులుబాటు కల్పించనున్నారు.