PM Modi: జాకీర్ హుస్సేన్ ఓ మ్యూజిక్ జీనియ‌స్‌: ప్ర‌ధాని మోదీ

PM Modi: భార‌త సంప్ర‌దాయ సంగీతంలో విప్ల‌వం తీసుకువ‌చ్చిన ఓ జ్ఞానిగా ఉస్తాద్ జ‌కీర్ హుస్సేన్‌ను గుర్తు చేసుకుంటామని ప్ర‌ధాని మోదీ అన్నారు. తబలా విద్వాంసుడు ఉస్తాద్‌ జాకీర్‌ హుస్సేన్ మృతి ప‌ట్ల ప్ర‌ధాని సంతాపం తెలిపారు.

న్యూఢిల్లీ: తబలా విద్వాంసుడు ఉస్తాద్‌ జాకీర్‌ హుస్సేన్ మృతి ప‌ట్ల ప్ర‌ధాని మోదీ(PM Modi) సంతాపం తెలిపారు. భార‌త సంప్ర‌దాయ సంగీతంలో విప్ల‌వం తీసుకువ‌చ్చిన ఓ జ్ఞానిగా ఉస్తాద్ జ‌కీర్ హుస్సేన్‌ను గుర్తు చేసుకుంటామ‌న్నారు. ప్ర‌ధాని మోదీ త‌న ట్విట్ట‌ర్‌లో స్పందిస్తూ.. లెజెండ‌రీ మ్యాస్ట్రో జ‌కీర్ హుస్సేన్ మృతి బాధ‌కు గురి చేసింద‌న్నారు. త‌బ‌లా వాయిద్యాన్ని విశ్వ‌వ్యాప్తం చేసిన సంగీత క‌ళాకారుడు అని పేర్కొన్నారు. త‌న త‌బ‌లా మ్యూజిక్‌తో ల‌క్ష‌లాది మంది అభిమానుల్ని ఆక‌ట్టుకున్న‌ట్లు చెప్పారు. భార‌తీయ క్లాసిక‌ల్ సంప్ర‌దాయాల‌ను.. గ్లోబ‌ల్ మ్యూజిక్ తో స‌మ్మిళితం చేసి.. సాంస్కృతిక ఐక‌మ‌త్యాన్ని ప్ర‌ద‌ర్శించిన‌ట్లు తెలిపారు. జాకీర్ హుస్సేన్ ఇచ్చిన ప్ర‌ద‌ర్శ‌న‌లు.. ర‌స‌భ‌రిమైన బాణీలు.. రాబోయే త‌రాల‌కు చెందిన మ్యూజిక్ ల‌వ‌ర్స్‌ను ప్రేరేపిస్తూనే ఉంటాయ‌న్నారు. జాకీర్ కుటుంబ‌స‌భ్యులు, స్నేహితులు, ప్ర‌పంచ సంగీత లోకానికి సంతాపం చెబుతున్న‌ట్లు మోదీ త‌న ట్వీట్‌లో వెల్ల‌డించారు.

Deeply saddened by the passing of the legendary tabla maestro, Ustad Zakir Hussain Ji. He will be remembered as a true genius who revolutionized the world of Indian classical music. He also brought the tabla to the global stage, captivating millions with his unparalleled rhythm.…

— Narendra Modi (@narendramodi) December 16, 2024