సాధారణంగా రెంట్కు ఏం దొరుకుతాయి. ఇళ్లను రెంట్కు ఇస్తారు. బైక్స్, కార్లు.. ఇంకా ఏవైనా వస్తువులను కూడా రెంట్కు ఇస్తుంటారు కానీ.. ఎక్కడైనా బాయ్ఫ్రెండ్ రెంట్కు దొరుకుతాడా? అయినా అమ్మాయిలు అలా రెంట్కు దొరికే బాయ్ఫ్రెండ్ను రెంట్కు తీసుకుంటారా? అసలు ఇది జరిగే పనేనా.. జరగదు కదా. కానీ.. వాలెంటైన్స్ డే సందర్భంగా ఓ యువకుడు వినూత్నంగా నిరసన చేపట్టాడు. రెంట్కు బాయ్ఫ్రెండ్ దొరుకును అంటూ ప్లకార్డ్ పట్టుకొని ఊరంతా తిరిగాడు.
అతడిని చూసి అందరూ నవ్వుకున్నారు కానీ.. అతడు అలా చేయడం వెనుక పెద్ద కారణమే ఉంది. ఈ విచిత్ర ఘటన బీహార్లోని దర్భంగాలో చోటు చేసుకుంది. దర్భంగా ఇంజనీరింగ్ కాలేజీలో చదువుతున్న ప్రియాన్షు అనే విద్యార్థికి వచ్చిన ఆలోచనే ఇది.
మెడలో బాయ్ఫ్రెండ్ ఆన్ రెంట్ అంటూ బోర్డ్ పెట్టుకొని ప్రియాన్షు దర్భంగా మొత్తం తిరిగాడు. అక్కడ ఫోటోలకు పోజులిచ్చాడు. ఆ ఫోటోలు ప్రస్తుతం సోషల్ మీడియాలో వైరల్ అవుతున్నాయి.
అసలు ఇలా వినూత్నంగా ఎందుకు క్యాంపెయిన్ చేస్తున్నావని ప్రియాన్షును అడిగితే ఏం చెప్పాడో తెలుసా? మనం ప్రేమను ప్రజలకు పంచాలి. నేటి యూత్ చాలా ఒత్తిడికి లోనవుతున్నారు. దీంతో డిప్రెషన్లోకి వెళ్తున్నారదు. డిప్రెషన్, ఒత్తిడిని తగ్గించాలంటే అది కేవలం ప్రేమకే సాధ్యం. సింగిల్గా ఉండే యూత్కు ప్రేమ పంచడమే నా లక్ష్యం. అంతే కాదు.. చాలామంది యువతీయువకులు.. తమ యవ్వనాన్ని బాయ్ఫ్రెండ్స్ కోసమో.. లేక గర్ల్ఫ్రెండ్స్ కోసమో వృథా చేస్తుంటారు. యూత్ ఈ దేశ అభివృద్ధిలో భాగస్వాములు కావాలి కానీ.. ఇలా బాయ్ఫ్రెండ్.. గర్ల్ఫ్రెండ్ అంటూ తిరగొద్దు అని చెప్పడం కోసమే ఈ క్యాంపెయిన్ను నిర్వహించాను అంటూ అసలు విషయం చెప్పుకొచ్చాడు ప్రియాన్షు.