videographer elopes with groom’s sister | పెళ్లి వీడియో తీశాడు.. వరుడి సోదరితో పారిపోయాడు

videographer elopes with groom's sister | ఒక వీడియోగ్రాఫర్‌ పెళ్లిలో వీడియోలు తీశాడు. ఆ తర్వాత వరుడి సోదరితో కలిసి పారిపోయాడు. ఆమె తండ్రి ఫిర్యాదుపై పోలీసులు కేసు నమోదు చేశాడు. వీడియోగ్రాఫర్‌, అతడితో వెళ్లిన మహిళ కోసం వెతుకుతున్నారు.

పాట్నా: ఒక వీడియోగ్రాఫర్‌ పెళ్లిలో వీడియోలు తీశాడు. ఆ తర్వాత వరుడి సోదరితో కలిసి పారిపోయాడు. ఆమె తండ్రి ఫిర్యాదుపై పోలీసులు కేసు నమోదు చేశాడు. వీడియోగ్రాఫర్‌, అతడితో వెళ్లిన మహిళ కోసం వెతుకుతున్నారు. (videographer elopes with groom’s sister) బీహార్‌లోని ముజఫర్‌పూర్ జిల్లాలో ఈ సంఘటన జరిగింది. చందవారా ఘాట్ దామోదర్‌పూర్ ప్రాంతంలో ఒక వ్యక్తి పెళ్లి జరిగింది. వీడియోగ్రాఫర్ గోలు కుమార్ ఆ వివాహం వీడియో తీశాడు. ఈ క్రమంలో వరుడి సోదరితో చనువు పెంచుకున్నాడు. పెళ్లి తర్వాత వారిద్దరూ కలిసి తమ ఇళ్ల నుంచి పారిపోయారు.

కాగా, ఆ మహిళ తండ్రి లక్ష్మణ్ రాయ్‌కు ఆమె భర్త ఫోన్‌ చేసి ఈ విషయం చెప్పాడు. దీంతో మహిళ తండ్రి వీడియోగ్రాఫర్ గోలు కుమార్ ఇంటికి వెళ్లి ఆరా తీశాడు. తనకు ఏమీ తెలియదని వీడియోగ్రాఫర్‌ తండ్రి చెప్పాడు. అయితే గోలు కుమార్‌ ఒక మహిళను గ్రామానికి తీసుకువచ్చాడని, ఆ తర్వాత వారిద్దరూ కలిసి వెళ్లిపోయారని స్థానికులు తెలిపారు.

మరోవైపు మహిళ తండ్రి లక్ష్మణ్ రాయ్‌ పోలీసులకు ఫిర్యాదు చేశాడు. మార్చి 4న మార్కెట్‌కు వెళ్లిన తన కుమార్తె అదృశ్యమైందని తెలిపాడు. వీడియోగ్రాఫర్ గోలు కుమార్ ఆమెను కిడ్నాప్ చేశాడని ఆరోపించాడు. పోలీసులు కేసు నమోదు చేసి దర్యాప్తు చేస్తున్నారు. వీడియోగ్రాఫర్‌, అతడితో వెళ్లిన మహిళ కోసం వెతుకుతున్నారు.