Kalpana Soren | మీ ఇంటి ఆడబిడ్డలా నన్ను ఆశీర్వదించండి : కల్పనా సోరెన్‌

Kalpana Soren | జార్ఖండ్ మాజీ ముఖ్యమంత్రి, జేఎంఎం పార్టీ అధ్యక్షుడు హేమంత్ సోరెన్‌ సతీమణి, గండీ అసెంబ్లీ నియోజకవర్గ జేఎంఎం అభ్యర్థి కల్పనా సోరెన్‌ జోరుగా ప్రచారం నిర్వహిస్తున్నారు. నియోజకవర్గం అంతా తిరుగుతూ తనకు ఓటు వేయాలని అభ్యర్థిస్తున్నారు.

Kalpana Soren : జార్ఖండ్ మాజీ ముఖ్యమంత్రి, జేఎంఎం పార్టీ అధ్యక్షుడు హేమంత్ సోరెన్‌ సతీమణి, గండీ అసెంబ్లీ నియోజకవర్గ జేఎంఎం అభ్యర్థి కల్పనా సోరెన్‌ జోరుగా ప్రచారం నిర్వహిస్తున్నారు. నియోజకవర్గం అంతా తిరుగుతూ తనకు ఓటు వేయాలని అభ్యర్థిస్తున్నారు. తాను ఒక ఆడబిడ్డనని, మీ ఆశీర్వాదం కోసం వచ్చానని, మీ అమూల్యమైన ఓటుతో నన్ను మీ ఇంటి ఆడబిడ్డలా ఆశీర్వదించాలని ఆమె కోరారు.

గండీ అసెంబ్లీ నియోజకవర్గ ఉప ఎన్నికల ప్రచారంలో భాగంగా శనివారం ఆమె గిరిదిహ్‌ పట్టణంలో పర్యటించారు. వీధివీధికి వెళ్లి అక్కడి ప్రజలను ఓట్లు అభ్యర్థించారు. లోక్‌సభ ఐదో విడత ఎన్నికలతోపాటే మే 20న గండీ అసెంబ్లీ స్థానానికి ఉప ఎన్నికల జరగనుంది. భూకుంభకోణం కేసులో ఇటీవల జేఎంఎం అధినేత హేమంత్‌ సోరెన్‌ను ఈడీ అరెస్ట్‌ చేసింది. దాంతో ఆయన సీఎం పదవికి రాజీనామా చేశారు. ఆయన స్థానంలో చంపాయ్‌ సోరెన్‌ సీఎంగా బాధ్యతలు నిర్వహిస్తున్నారు.