teacher molested teen for 9 years | తొమ్మిదేళ్లుగా బాలికపై లైంగిక దాడులు, వేధింపులు.. కీచక టీచర్‌ అరెస్ట్‌

Tuition teacher molested teen for 9 years | ఒక టీచర్‌ తొమ్మిదేళ్లుగా బాలికపై లైంగిక దాడులు, వేధింపులకు పాల్పడ్డాడు (Tuition teacher molested teen for 9 years). ఈ విషయం ఎవరికీ చెప్పవద్దని ఆమెను బెదిరించాడు. అయితే తోటి విద్యార్థుల చొరవతో బాధిత యువతి నోరు విప్పింది.

ముంబై: ఒక టీచర్‌ తొమ్మిదేళ్లుగా బాలికపై లైంగిక దాడులు, వేధింపులకు పాల్పడ్డాడు (Tuition teacher molested teen for 9 years). ఈ విషయం ఎవరికీ చెప్పవద్దని ఆమెను బెదిరించాడు. అయితే తోటి విద్యార్థుల చొరవతో బాధిత యువతి నోరు విప్పింది. దీంతో ఆ కీచక టీచర్‌ను పోలీసులు అరెస్ట్‌ చేశారు. మహారాష్ట్ర రాజధాని ముంబైలో ఈ దారుణ సంఘటన జరిగింది. పశ్చిమ బెంగాల్‌కు చెందిన ఒక కుటుంబం చాలా ఏళ్ల కిందట ముంబైకి వలస వచ్చింది. అయితే భర్తను భార్య విడిచిపెట్టింది. ఈ నేపథ్యంలో ఆ వ్యక్తి తన పిల్లలతో కలిసి ఒక ఇంట్లో నివసిస్తున్నాడు.

కాగా, ఆ వ్యక్తి తొమ్మిదేళ్ల కిందట ఆరేళ్ల వయసున్న కుమార్తెను పొరుగున ఉన్న ట్యూషన్‌లో చేర్చించాడు. అయితే ట్యూషన్‌ టీచర్‌ నాటి నుంచి ఆ బాలికను లైంగికంగా వేధించడంతోపాటు ఆమెపై లైంగిక దాడులకు పాల్పడ్డాడు. ఈ విషయం ఎవరికీ చెప్పవద్దని ఆమెను బెదిరించాడు. అలాగే స్కూల్‌కు పంపిస్తే చెడ్డ స్నేహాలు ఏర్పడతాయని బాలిక తండ్రిని నమ్మించాడు. ఆమెను స్కూలుకు వెళ్లకుండా చేసి నిత్యం తన ట్యూషన్‌కు రప్పిస్తున్నాడు. ఆ బాలికపై లైంగిక దాడులకు పాల్పడుతున్నాడు. బాలికకు పిరియడ్స్ వచ్చిన తర్వాత గర్భం రాకుండా ట్యాబెట్లు కూడా ఇవ్వసాగాడు.

ప్రస్తుతం16 ఏళ్ల వయసున్న ఆ బాలిక ఆ ట్యూషన్‌లో పదో తరగతి చదువుతున్నది. గత మూడేళ్లుగా ఆమె స్కూలుకు వెళ్లడం లేదు. బాలిక తండ్రి కొన్ని రోజుల కిందట వ్యక్తిగత పని మీద బెంగాల్‌ వెళ్లాడు. ఈ సమయంలో ట్యూషన్‌ టీచర్‌ నిత్యం ఆ యువతిపై లైంగిక దాడులకు పాల్పడ్డాడు.

కాగా, స్కూల్‌ స్నేహితులు ఇటీవల ఆ యువతిని కలిశారు. ఆమె స్కూల్‌కు ఎందుకు రావడం లేదని ఆరా తీశారు. అలాగే ట్యూషన్‌ టీచర్‌ ఆ యువతిని చూసి వెకిలిగా నవ్వడాన్ని వారు గమనించారు. ఏం జరిగిందో చెప్పాలని ఆమెను బలవంతం చేశారు. ఈ నేపథ్యంలో ఆ యువతి చివరకు నోరు విప్పింది. ట్యూషన్‌ టీచర్‌ గత తొమ్మిదేళ్లుగా తనను లైంగికంగా వేధిస్తున్నట్లు చెప్పింది. దీంతో వారంతా కలిసి ఈ విషయాన్ని ఆమె తండ్రి దృష్టికి తీసుకెళ్లారు.

మరోవైపు బాధిత బాలిక, ఆమె తండ్రి పోలీస్‌ స్టేషన్‌కు వెళ్లి ఆ కీచక టీచర్‌పై ఫిర్యాదు చేశారు. ప్రస్తుతం 55 ఏళ్ల వయసున్న ట్యూషన్‌ టీచర్‌ను పోలీసులు అరెస్ట్‌ చేశారు. పోక్సో చట్టంతోపాటు పలు సెక్షన్ల కింద కేసు నమోదు చేసి దర్యాప్తు చేస్తున్నారు.