Cancer | న్యూఢిల్లీ: ఎలాంటి ప్రయత్నం చేయకుండానే బరువు తగ్గడం ఆరోగ్యానికి చేటు అని స్వీడన్లోని కరోలిన్స్కా ఇన్స్టిట్యూట్ రీసెర్చర్స్ నిర్వహించిన అధ్యయనంలో వెల్లడైంది. అనుకోకుండా బరువు తగ్గడానికి, క్యాన్సర్ ముప్పు పెరగడానికి సంబంధం ఉన్నట్లు తేలింది.
అకస్మాత్తుగా బరువు తగ్గితే, కడుపు, ప్రేగుల్లో క్యాన్సర్; రక్తం, బాడీ టిష్యూలకు సంబంధించిన క్యాన్సర్; కొలొరెక్టల్ క్యాన్సర్, ఊపిరితిత్తుల క్యాన్సర్ ముప్పు పెరిగే అవకాశం ఉన్నట్లు వెల్లడైంది. అందువల్ల అకస్మాత్తుగా లేదా అనుకోకుండా బరువు తగ్గినపుడు వెంటనే వైద్య సలహాలు తీసుకుని, తగిన మందులను వాడాలని పరిశోధకులు తెలిపారు.