రాంచీ: ఒక విద్యార్థినితో బలవంతంగా క్లాస్లో స్కూల్ యూనిఫామ్ను టీచర్ విప్పించింది. దీంతో అవమానంగా భావించిన ఆ బాలిక నిప్పంటించుకుని ఆత్మహత్యకు యత్నించింది. జార్ఖండ్లోని జంషెడ్పూర్లో ఈ సంఘటన జరిగింది. 9వ తరగతి చదువున్న బాలిక క్లాస్లో పరీక్షలు రాస్తున్నది. అయితే ఆ విద్యార్థిని వద్ద కాపీ చీటీలు ఉన్నట్లు మహిళా ఇన్విజిలేటర్ అనుమానించింది. పక్కన ఉన్న మరో క్లాస్ రూమ్లోకి ఆ బాలికను తీసుకెళ్లింది. బలవంతంగా స్కూల్ యూనిఫామ్ను విప్పించి తనిఖీ చేసింది.
కాగా, ఈ సంఘటనను ఆ విద్యార్థిని అవమానంగా భావించింది. పరీక్ష అనంతరం ఇంటికెళ్లిన తర్వాత ఒంటిపై కిరోసిన్ పోసుకుని నిప్పంటించుకుని ఆత్మహత్యకు ప్రయత్నించింది. గమనించిన బాలిక తల్లి, స్థానికులు ఆమెను హాస్పిటల్కు తరలించి చికిత్స అందిస్తున్నారు. ఆ విద్యార్థిని ఆరోగ్య పరిస్థితి విషమంగా ఉన్నట్లు వైద్యులు తెలిపారు.
మరోవైపు ఈ సంఘటనపై బాలిక తల్లి ఫిర్యాదుతో పోలీసులు కేసు నమోదు చేశారు. విద్యార్థిని స్టేట్మెంట్ను రికార్డు చేశారు. ఆ ఉపాధ్యాయురాలిపై తగిన చర్యలు తీసుకుంటామని పోలీసులు తెలిపారు. కాగా, ఈ సంఘటనను వ్యతిరేకిస్తూ స్థానికులు నిరసనకు దిగారు. విద్యార్థిని డ్రెస్ విప్పించి అవమానించిన ఆ టీచర్పై చర్యలు తీసుకోవాలని డిమాండ్ చేశారు.