బీజేపీ ఓటమిపై వ్యంగ్య వీడియో

• రళ కవి ఫేస్‌బుక్‌ ఖాతా నిలిపివేత

కొచ్చి, మే 9: కేరళ అసెంబ్లీ ఎన్నికల్లో బీజేపీ ఓటమిపై వ్యంగ్య వీడియో పోస్టు చేసినందుకు ఫేస్‌బుక్‌ తన ఖాతాను 24 గంటల పాటు నిలిపివేసిందని కేరళకు చెందిన ప్రముఖ కవి, కేంద్ర సాహిత్య అకాడమీ మాజీ కార్యదర్శి కే సచ్చిదానందన్‌ తెలిపారు. ఆ వీడియో ఇతర సామాజిక మాధ్యమాల్లో విస్తృతంగా షేర్‌ చేసినదేనని, అందులో ఎలాంటి దూషణలు లేవని తెలిపారు. ఆ వీడియోను అప్‌లోడ్‌ చేయడానికి ప్రయత్నించినప్పుడు తాను నిబంధనలు ఉల్లంఘిస్తున్నట్టు ఫేస్‌బుక్‌ నుంచి మెసేజ్‌ వచ్చిందని చెప్పారు. 30 రోజుల పాటు ఫేస్‌బుక్‌లో తాను ‘లైవ్‌’లో కనిపించకుండా నిషేధం కూడా విధించిందని తెలిపారు.