Man Forced To Drink Urine | వివాహిత మహిళతో పారిపోయిన వ్యక్తి.. మూత్రం తాగించడంతోపాటు, చెప్పులు నాకించారు

Man Forced To Drink Urine | వివాహిత మహిళతో కలిసి ఒక వ్యక్తి పారిపోయాడు. ఈ నేపథ్యంలో కొందరు ఆ వ్యక్తిని కొట్టడంతోపాటు బలవంతంగా మూత్రం తాగించారు. (Man Forced To Drink Urine) అలాగే చెప్పులు నాకించారు. ఆ మహిళతో కూడా చెప్పుతో కొట్టించారు.

భోపాల్‌: వివాహిత మహిళతో కలిసి ఒక వ్యక్తి పారిపోయాడు. ఈ నేపథ్యంలో కొందరు ఆ వ్యక్తిని కొట్టడంతోపాటు బలవంతంగా మూత్రం తాగించారు. (Man Forced To Drink Urine) అలాగే చెప్పులు నాకించారు. ఆ మహిళతో కూడా చెప్పుతో కొట్టించారు. ఈ వీడియో క్లిప్స్‌ సోషల్‌ మీడియాలో వైరల్‌ అయ్యాయి. మధ్యప్రదేశ్‌లోని ఉజ్జాయినీ జిల్లాలో ఈ సంఘటన జరిగింది. భట్‌పచ్లానా పోలీస్ స్టేషన్ పరిధిలోని భిల్ఖేడి గ్రామంలో బంజారా కమ్యూనిటీకి చెందిన వివాహిత మహిళతో కలిసి ఒక వ్యక్తి పారిపోయాడు.

కాగా, ఆ జంటను పట్టుకున్న ఆ మహిళ కుటుంబ సభ్యులు ఆ వ్యక్తి పట్ల దారుణంగా వ్యవహరించారు. అతడ్ని కొట్టడంతోపాటు మెడలో చెప్పుల దండ వేశారు. బాటిల్‌లో ఉన్న మూత్రాన్ని బలవంతంగా తాగించారు. ఆ మహిళతో అతడ్ని చెప్పుతో కొట్టించారు. చెప్పులు నాకించడంతోపాటు ఒక చెప్పు తలపై ఉంచాలని బలవంతం చేశారు. అలాగే అర గుండు కొట్టించడంతోపాటు మీసాన్ని సగం వరకు తీయించారు.

మరోవైపు ఈ వీడియో క్లిప్స్‌ సోషల్‌ మీడియాలో వైరల్‌ అయ్యాయి. దీంతో పోలీసులు స్పందించారు. మూడు, నాలుగు రోజుల కిందట ఈ సంఘటన జరిగినట్లు తెలిపారు. బాధిత వ్యక్తిని సంప్రదించినట్లు చెప్పారు. అయితే ఫిర్యాదు చేసేందుకు అతడు నిరాకరించినట్లు వెల్లడించారు. అయినప్పటికీ ఈ సంఘటనపై చట్టపరంగా చర్యలు చేపడతామని పోలీస్‌ అధికారి తెలిపారు.