Man Prayers Then Steals | పెట్రోల్‌ బంకు ఆఫీస్‌లోకి చొరబడిన దొంగ.. దేవుడ్ని ప్రార్థించి ఆపై చోరీ

Man Prayers Then Steals | పెట్రోల్‌ బంకు ఆఫీస్‌లోకి ఒక దొంగ చొరబడ్డాడు. అక్కడి పూజా ప్రదేశాన్ని చూసిన అతడు దేవుడికి ప్రార్థించారు. ఆ తర్వాత లక్షల్లో నగదు దొంగిలించి పారిపోయాడు. ఆ ఆఫీస్‌లోని సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది.

భోపాల్‌: పెట్రోల్‌ బంకు ఆఫీస్‌లోకి ఒక దొంగ చొరబడ్డాడు. అక్కడి పూజా ప్రదేశాన్ని చూసిన అతడు దేవుడికి ప్రార్థించారు. ఆ తర్వాత లక్షల్లో నగదు దొంగిలించి పారిపోయాడు. (Man Prayers Then Steals) ఆ ఆఫీస్‌లోని సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది. మధ్యప్రదేశ్‌లోని మచల్‌పూర్ జిల్లాలో ఈ సంఘటన జరిగింది. శనివారం రాత్రి సుజల్‌పూర్ హైవేపై సోయత్ కలాన్ వద్ద ఉన్న పెట్రోల్‌ బంకు ఆఫీస్‌లోకి ఒక వ్యక్తి చొరపడ్డాడు. లోపలున్న పూజా స్థలాన్ని చూసిన అతడు దేవుళ్ల ముందు ఒంగి ప్రార్థనచేశాడు. ఆ తర్వాత సీసీటీవీ కెమెరాను గమనించి దానిని ఆఫ్‌ చేసేందుకు ప్రయత్నించాడు. అనంతరం అక్కడ వెతికి రూ.1.57 లక్షలు చోరీ చేశాడు.

కాగా, ఆ దొంగ పారిపోతుండగా పెట్రోల్‌ బంకు వద్ద నిద్రించిన సిబ్బంది మేల్కొన్నారు. ఆ వ్యక్తిని పట్టుకునేందుకు వెంబడించినా ఫలితం లేకపోయింది. ఫిర్యాదు అందుకున్న పోలీసులు కేసు నమోదు చేసి దర్యాప్తు చేస్తున్నారు. సంఘటనా స్థలంలో ఇనుప రాడ్‌, చీరను గుర్తించారు. పెట్రోల్ బంకులోని సీసీటీవీ ఫుటేజ్‌ను పోలీసులు పరిశీలించారు. దొంగను గుర్తించి అరెస్ట్‌ చేసేందుకు ప్రయత్నిస్తున్నారు. మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

A burglar in #MadhyaPradesh‘s #Rajgarh district broke into a petrol pump’s office and stole nearly Rs 1.6 lakh.

CCTV footage shows the thief praying to a deity inside the office before ransacking the place and stealing the cash.

Read more 🔗https://t.co/ccIwjij2IU pic.twitter.com/bWoCj6p48B

— The Times Of India (@timesofindia) December 8, 2024