కంగన చెంప చెళ్లు

మండి నియోజకవర్గ బీజేపీ ఎంపీ కంగనౌ రనౌత్‌ను సీఐఎస్‌ఎఫ్‌ మహిళా కానిస్టేబుల్‌ చెంప దెబ్బ కొట్టారు. గురువారం చండీగఢ్‌ విమానాశ్రయంలో ఈ ఘటన చోటుచేసుకుంది.

•  రైతుల ఆందోళనను అవమానించినందుకు కొట్టిన మహిళా కానిస్టేబుల్‌
• చండీగఢ్‌ ఎయిర్‌పోర్ట్‌లో కొట్టిన మహిళా కానిస్టేబుల్‌
• గతంలో రైతుల ధర్నాను అవమానించిందుకే కొట్టా: నిందితురాలు
• పంజాబ్‌లో ఉగ్రవాదం పెరిగింది: కొత్త ఎంపీ

చండీగఢ్‌: మండి నియోజకవర్గ బీజేపీ ఎంపీ కంగనౌ రనౌత్‌ను సీఐఎస్‌ఎఫ్‌ మహిళా కానిస్టేబుల్‌ చెంప దెబ్బ కొట్టారు. గురువారం చండీగఢ్‌ విమానాశ్రయంలో ఈ ఘటన చోటుచేసుకుంది. భద్రత తనిఖీల సమయంలో నిందితురాలు కుల్విందర్‌ కౌర్‌ ఈ ఘటనకు పాల్పడ్డారు. ఢిల్లీ చేరుకున్న తర్వాత కంగన ఎక్స్‌లో స్పందిస్తూ… ‘పంజాబ్‌లో ఉగ్రవాదం, హింస పెరిగిపోతుండటంపై షాక్‌కు గురయ్యాను.

నన్నెందుకు కొట్టావని ఆమెను అడిగినప్పుడు.. రైతుల నిరసనకు మద్దతు ఇస్తున్నట్టు ఆమె నాకు చెప్పారు’ అని కంగన అన్నారు. కానిస్టేబుల్‌ తనను కొట్టిన తర్వాత దూషించిందన్నారు. ఘటనపై కుల్విందర్‌ కౌర్‌ కూడా స్పందించారు. ‘రైతులు రూ.100 కోసం ధర్నాలో కూర్చొంటున్నారని ఆమె(కంగన) గతంలో కామెంట్‌ చేశారు. నా తల్లి రైతుల ధర్నాలో పాల్గొన్నప్పుడు కంగన ఈ మాటలన్నారు’ అని ఆమె అన్నారు. నిందితురాలిని సస్పెండ్‌ చేసి ఎఫ్‌ఐఆర్‌ నమోదు చేసినట్లు అధికారులు తెలిపారు.