నేడు ఎన్‌వీఎస్‌-03 ఉపగ్రహ ప్రయోగం

ఎన్‌వీఎస్‌-03 ఉపగ్రహాన్ని ఈ నెల 30న శ్రీహరికోట నుంచి ప్రయోగించనున్నట్టు ఇస్రో చైర్మన్‌ నారాయణన్‌ గురువారం తిరుమలలో వెల్లడించారు. ఈ ప్రయోగం ద్వారా భారత నావిగేషన్‌ వ్యవస్థ బలోపేతం అవుతుందని ఆయన తెలిపారు. జీఎస్‌ఎల్‌వీ-ఎఫ్‌18 రాకెట్‌ ద్వారా అర్ధరాత్రి 11.51 గంటలకు ఈ ఉపగ్రహాన్ని ప్రయోగించనున్నారు.

తిరుమల: ఎన్‌వీఎస్‌-03 ఉపగ్రహాన్ని ఈ నెల 30న శ్రీహరికోట నుంచి ప్రయోగించనున్నట్టు ఇస్రో చైర్మన్‌ నారాయణన్‌ గురువారం తిరుమలలో వెల్లడించారు. ఈ ప్రయోగం ద్వారా భారత నావిగేషన్‌ వ్యవస్థ బలోపేతం అవుతుందని ఆయన తెలిపారు. జీఎస్‌ఎల్‌వీ-ఎఫ్‌18 రాకెట్‌ ద్వారా అర్ధరాత్రి 11.51 గంటలకు ఈ ఉపగ్రహాన్ని ప్రయోగించనున్నారు. భారత ప్రాంతీయ నావిగేషన్‌ శాటిలైట్‌ సిస్టమ్‌ సేవల కొనసాగింపు కోసం, తర్వాతి తరం నావిగేషన్‌ సిస్టం కోసం ఈ ఉపగ్రహాన్ని ప్రయోగిస్తున్నారు. ఇది ప్రస్తుతం ఉన్న ఎల్‌5, ఎస్‌ సిగ్నళ్లతో పాటు అదనంగా ఎల్‌1 సిగ్నల్‌ సేవలను అందిస్తుంది. భారత్‌ భౌగోళిక పరిధితో పాటు, సరిహద్దుల అవతల 1500 కిలోమీటర్ల వరకు ఈ నావిగేషన్‌ సిస్టమ్‌ కవర్‌ చేస్తుంది.