సెలవు లేకుండా 27 ఏండ్లుగా విధులు

మీరు ఏదైనా ఉద్యోగం చేస్తున్నారా? అయితే సెలవు తీసుకోకుండా ఎన్ని రోజులుగా పని చేస్తున్నారు? వారం? నెల? సంవత్సరం?. సంవత్సరం పాటు ఎవరైనా పని చేస్తారా? అని అనుకుంటున్నారా.

• జాక్‌పాట్‌ కొట్టిన ఉద్యోగి
• రూ.3.26 కోట్ల బహుమానం

లాస్‌వెగాస్‌, మే 6: మీరు ఏదైనా ఉద్యోగం చేస్తున్నారా? అయితే సెలవు తీసుకోకుండా ఎన్ని రోజులుగా పని చేస్తున్నారు? వారం? నెల? సంవత్సరం?. సంవత్సరం పాటు ఎవరైనా పని చేస్తారా? అని అనుకుంటున్నారా. అమెరికాలోని లాస్‌వెగాస్‌కు చెందిన ఓ వ్యక్తి ఒకటి కాదు, రెండు కాదు ఏకంగా 27 ఏండ్లు సెలవే తీసుకోకుండా విధులు నిర్వర్తించారు. నిర్విరామంగా కంపెనీకి సేవలు చేసినందుకు గానూ అతను జాక్‌పాట్‌ కొట్టారు. లాస్‌వెగాస్‌లోని బర్గర్‌కింగ్‌ కంపెనీలో కెవిన్‌ ఫోర్డ్‌ ఉద్యోగి. ఉద్యోగంలో చేరిన నాటి నుంచి పదవీ విరమణ వరకు ఒక్క రోజు కూడా సెలవు తీసుకోలేదు. ఒంటరి తండ్రిగా తన కుమార్తెలను చదివించుకుంటూనే రోజూ విధులకు హాజరయ్యారు. అందుకు ప్రతిఫలంగా కంపెనీ అతనికి రూ.3.26 కోట్ల బహుమానం అందించింది. బహుమానం అందుకున్న బ్యాగును తెరుస్తున్న వీడియోను ఇన్‌స్టాగ్రామ్‌లో పోస్టు చేయగా వైరల్‌గా మారింది. కెవిన్‌ కుమార్తె సెరినా ఫండ్‌ రైజింగ్‌ను ప్రారంభించారు. గోఫండ్‌మీ ఆధ్వర్యంలో సహోద్యోగులు, కంపెనీ, డేవిడ్‌ స్పేడ్‌ లాంటి సెలబ్రిటీలు ఇందులో పాల్గొన్నారు. భారీ మొత్తాన్ని సేకరించి కెవిన్‌కు బహుమానంగా అందించారు.