Bus Collides With Truck | లారీని ఢీకొట్టిన ఆర్టీసీ బస్సు.. డ్రైవర్‌ మృతి, 12 మంది ప్రయాణికులకు గాయాలు

Bus Collides With Truck | ఒక లారీని ఆర్టీసీ బస్సు వెనుక నుంచి ఢీకొట్టింది. ఈ ప్రమాదంలో బస్సు డ్రైవర్ అక్కడికక్కడే మరణించాడు. 12 మంది ప్రయాణికులు గాయపడ్డారు. వారిని ప్రభుత్వ ఆసుపత్రికి తరలించి చికిత్స అందిస్తున్నారు.

బెంగళూరు: ఒక లారీని ఆర్టీసీ బస్సు వెనుక నుంచి ఢీకొట్టింది. ఈ ప్రమాదంలో బస్సు డ్రైవర్ అక్కడికక్కడే మరణించాడు. 12 మంది ప్రయాణికులు గాయపడ్డారు. వారిని ప్రభుత్వ ఆసుపత్రికి తరలించి చికిత్స అందిస్తున్నారు. (Bus Collides With Truck) కర్ణాటకలోని బెళగావి జిల్లాలో ఈ సంఘటన జరిగింది. హుక్కేరి తాలూకాలోని సంకేశ్వర్ సమీపంలో జాతీయ రహదారి 48పై కర్ణాటక రాష్ట్ర రోడ్డు రవాణా సంస్థ (కేఎస్‌ఆర్టీసీ) బస్సు ఒక టిప్పర్ ట్రక్కును వెనుక నుంచి ఢీకొట్టింది. ఈ ప్రమాదంలో బస్సు డ్రైవర్ మరణించగా 12 మంది ప్రయాణికులు గాయపడ్డారు. అత్యవసర సహాయక సిబ్బంది గాయపడిన వారిని సంకేశ్వర్ తాలూకా ఆసుపత్రికి తరలించారు. పోలీసులు ఈ ప్రమాదంపై దర్యాప్తు చేస్తున్నారు.

కాగా, మరో సంఘటనలో కర్ణాటకలోని సాగర్ తాలూకాలో షార్ట్ సర్క్యూట్ కారణంగా ప్రైవేట్ స్లీపర్ బస్సు పూర్తిగా కాలిపోయింది. ముంబాలు గ్రామం సమీపంలో తెల్లవారుజామున ఈ సంఘటన జరిగింది. బెంగళూరు నుంచి సాగర్‌కు ప్రయాణిస్తున్న ప్రైవేట్ స్లీపర్ బస్సులో మంటలు చెలరేగాయి. డ్రైవర్, క్లీనర్ తక్షణమే స్పందించారు. దీంతో అందులోని ప్రయాణికులు ప్రాణాలతో బయటపడ్డారు. ఆ బస్సు శివమొగ్గలో ఆగినప్పుడు చాలామంది దిగిపోయారు. సాగర్ వెళ్లే మార్గంలో కేవలం ఇద్దరు ప్రయాణికులు మాత్రమే ఉండటంతో ఎలాంటి ప్రాణనష్టం జరుగలేదు. అగ్నిమాపక సిబ్బంది అక్కడకు చేరుకుని మంటలను అదుపుచేశారు.