రామ్‌లీలా ర్యాలీని సాయంత్రంలోగా ముగించాలి

ఢిల్లీలోని రామ్‌లీలా మైదానంలో నవంబర్‌ 1న ర్యాలీ నిర్వహించేందుకు విపక్ష ఇండియా కూటమికి పోలీసులు అనుమతి ఇచ్చారు. అయితే ర్యాలీకి పలు కఠిన షరతులు విధించారు.

న్యూఢిల్లీ, అక్టోబర్‌ 27 : ఢిల్లీలోని రామ్‌లీలా మైదానంలో నవంబర్‌ 1న ర్యాలీ నిర్వహించేందుకు విపక్ష ఇండియా కూటమికి పోలీసులు అనుమతి ఇచ్చారు. అయితే ర్యాలీకి పలు కఠిన షరతులు విధించారు. సాయంత్రం 5 గంటల లోగా సభను ముగించాలని, రెచ్చగొట్టే ఉపన్యాసాలు చేయరాదంటూ ఢిల్లీ పోలీసులు ఆంక్షలు పెట్టారు.

ఓటును రక్షించండి, దేశాన్ని రక్షించండి నినాదంతో ఇండియా కూటమి నవంబర్‌ 1న భారీ ర్యాలీ నిర్వహించనుంది. సభకు హాజరైన వారు ప్రశాంతంగా ఉండాలని, ఎలాంటి హింసకు దిగరాదని, పౌరులకు ఎలాంటి అసౌకర్యం కలిగించరాదని పోలీసులు తెలిపారు. 5 గంటల లోగా సభను ముగించాలని, అలా చేయకపోతే సభికులను పంపేస్తామని పోలీసులు తమ ఎన్‌వోసీలో పేర్కొన్నారు.