న్యూఢిల్లీ, జూలై 14: భారత అంతరిక్ష సంస్థ (ఇస్రో) ప్రతిష్ఠాత్మకంగా ప్రయోగించిన చంద్రయాన్ -3 బడ్జెట్ విషయంలోనూతన ప్రత్యేకతను చాటుకున్నది. చాలా తక్కువ ఖర్చుతోనే జాబిల్లిపై ఇస్రో ప్రయోగాలు చేస్తున్నది. చంద్రయాన్-3 ప్రయోగానికి అయిన వ్యయం ఇటీవల విడుదల అయిన ఆదిపురుష్ సినిమా కంటే తక్కువ కావడం గమనార్హం.
ఆదిపురుష్ సినిమాను సుమారు రూ.700 కోట్లతో నిర్మించగా, రూ.615 కోట్ల బడ్జెట్తోనే చంద్రయాన్-3 ప్రయోగాన్ని చేపట్టడం విశేషం. దీనిపై అనేకమంది నెటిజన్లు సోషల్ మీడియాలో ఇస్రోను కీర్తిస్తూ పోస్టులు పెడుతున్నారు. చంద్రయాన్-1 తక్కువ ఖర్చుతోనే రూపుదిద్దుకున్నది.