లక్నో: ప్రయాణికులతో వెళ్తున్న బస్సును ఢీకొట్టకుండా తప్పించబోయేందుకు సిమెంట్ లోడ్తో వెళ్తున్న లారీ డ్రైవర్ ప్రయత్నించాడు. ఈ క్రమంలో ఆ లారీ అదుపుతప్పి బోల్తాపడింది. (Cement-Laden Truck Overturns) దీంతో అందులోని సిమెంట్ బస్తాలు రోడ్డుపై పడ్డాయి. ఈ వీడియో క్లిప్ సోషల్ మీడియాలో వైరల్ అయ్యింది. ఉత్తరప్రదేశ్లోని బరేలీలో ఈ సంఘటన జరిగింది. గురువారం నవ్దియా ఝాదా కూడలి వద్ద రోడ్డు ప్రమాదం జరిగింది. ప్రయాణికులతో వెళ్తున్న ఒక బస్సు కూడలి వద్ద రోడ్డు దాటింది.
కాగా, అదే సమయంలో బస్సుకు ఎడమ వైపు నుంచి సిమెంట్ లోడ్ ఉన్న లారీ వచ్చింది. దీంతో బస్సును ఢీకొట్టకుండా నివారించేందుకు లారీ డ్రైవర్ ప్రయత్నించాడు. అయినప్పటికీ బస్సును ఆ లారీ స్వల్పంగా ఢీకొట్టింది. అనంతరం అదుపుతప్పి రోడ్డుపై బోల్తాపడింది. దీంతో ఆ లారీలోని సిమెంట్ బస్తాలు రోడ్డుపై పడ్డాయి. ఈ ప్రమాదంలో ఎవరైనా గాయపడ్డారా, ప్రాణాలు కోల్పోయారా అన్నది తెలియలేదు. మరోవైపు ఆ ప్రాంతంలోని సీసీటీవీలో రికార్డైన వీడియో క్లిప్ సోషల్ మీడియాలో వైరల్ అయ్యింది.
बरेली
➡सीमेंट भरा ट्रक पलटने पलटने का वीडियो वायरल
➡बस को बचाने के चक्कर में पलटा सीमेंट भरा ट्रक
➡बिथरी चैनपुर के नवदिया झादा चौराहे की घटना #Bareilly pic.twitter.com/Ur6We8SQBa
— भारत समाचार | Bharat Samachar (@bstvlive) December 29, 2023