విగ్గు ధ‌రించిన వ‌రుడు.. పెళ్లికి నిరాక‌రించిన వ‌ధువు

ల‌క్నో : వ‌రుడు విగ్గు ధ‌రించ‌డంతో.. వివాహం పెళ్లి పీట‌ల‌పైనే ఆగిపోయింది. విగ్గు ధ‌రించిన వ‌రుడు నాకొద్దు అంటూ వ‌ధువు తెగేసి చెప్పింది. ఈ ఘ‌ట‌న ఉత్త‌ర‌ప్ర‌దేశ్ ఎత‌వా జిల్లాలోని భ‌ర్త‌నా ఏరియాలో బుధ‌వారం రాత్రి వెలుగు చూసింది.

వివ‌రాల్లోకి వెళ్తే.. అజ‌య్ కుమార్ అనే యువ‌కుడి వివాహం బుధ‌వారం రాత్రి జ‌ర‌గాల్సి ఉండే. అయితే అజ‌య్ కుమార్ ముస్తాబై వివాహ వేదిక వ‌ద్ద‌కు చేరుకున్నాడు. వ‌ధువు కూడా పెళ్లి మండ‌పానికి చేరుకున్న‌ది. అజ‌య్ త‌న త‌ల‌పాగాను క్ష‌ణానికి ఒక‌సారి స‌ర్దుకుంటున్నాడు. దీంతో అనుమానం వ‌చ్చి పెళ్లి కూతురు అత‌ని త‌ల‌ను గ‌మ‌నించింది. అజ‌య్ విగ్గు ధ‌రించిన‌ట్లు తెలుసుకుంది. క్ష‌ణాల్లోనే ఆమె స్పృహా త‌ప్పి ప‌డిపోయింది. స్పృహాలోకి వ‌చ్చిన వ‌ధువు.. త‌న‌కు బ‌ట్ట‌త‌ల ఉన్న వ్య‌క్తిని పెళ్లి చేసుకోవ‌డం ఇష్టం లేద‌ని తెగేసి చెప్పింది. ఆమె త‌ల్లిదండ్రులు ఎంత న‌చ్చ‌జెప్పినా వినిపించుకోలేదు. చేసేదేమీ లేక వ‌రుడి కుటుంబం అక్క‌డ్నుంచి వెళ్లిపోయింది.