The Kerala story | ఇది ఇంకో కేరళ స్టోరీ.. మసీదులో హిందువుల పెండ్లి

ఒకవైపు ‘ది కేరళ స్టోరీ’ సినిమాపై వివాదం నెలకొన్న నేపథ్యంలో సంగీత దర్శకుడు ఏఆర్‌ రెహమాన్‌ షేర్‌ చేసిన ఓ వీడియో ఇప్పుడు అందరి దృష్టిని ఆకర్షిస్తున్నది.

• వీడియో షేర్‌ చేసిన ఏఆర్‌ రెహమాన్‌
• ‘ది కేరళ స్టోరీ’ నేపథ్యంలో ప్రాధాన్యం

The Kerala story | తిరువనంతపురం, మే 4: ఒకవైపు ‘ది కేరళ స్టోరీ’ సినిమాపై వివాదం నెలకొన్న నేపథ్యంలో సంగీత దర్శకుడు ఏఆర్‌ రెహమాన్‌ షేర్‌ చేసిన ఓ వీడియో ఇప్పుడు అందరి దృష్టిని ఆకర్షిస్తున్నది. 2020లో కేరళలోని ఓ మసీదులో హిందువులైన శరత్‌, అంజు వివాహం హిందూ పూజారి చేతుల మీదుగా హిందూ సంప్రదాయం ప్రకారం జరిగింది. ఈ వీడియోను ఓ నెటిజన్‌ ‘ఇది ఇంకో కేరళ స్టోరీ’ అని ట్వీట్‌ చేశారు.

ఈ వీడియోను రెహమాన్‌ షేర్‌ చేస్తూ మానవత్వం పట్ల ప్రేమ బేషరతుగా, స్వస్థతతో ఉండాలని అని ట్వీట్‌ చేశారు. ది కేరళ స్టోరీ సినిమా విడుదల కానున్న నేపథ్యంలో రెహమాన్‌ ట్వీట్‌కు ప్రాధాన్యం ఏర్పడింది.