10 voters listed as Same Name | యూపీలో ‘వికాస్ యాదవ్’ పేరుతో 10 మంది ఓటర్లు.. 9 మంది అధికారులపై చర్యలు

10 voters listed as Same Name | ఉత్తరప్రదేశ్‌లో ఒకే వ్యక్తి పేరుతో పది మంది ఓటర్లు ఉన్నారు. ‘వికాస్ యాదవ్’ పేరుతో తప్పుగా పది మంది ఓటర్లను నమోదు చేసినట్లు సమాజ్‌వాదీ పార్టీ (ఎస్పీ) ఫిర్యాదు చేసింది. ఈ నేపథ్యంలో తొమ్మిది మంది ఎన్నికల అధికారులు, సిబ్బందిపై చర్యలు చేపట్టారు.

లక్నో: ఉత్తరప్రదేశ్‌లో ఒకే వ్యక్తి పేరుతో పది మంది ఓటర్లు ఉన్నారు. ‘వికాస్ యాదవ్’ పేరుతో తప్పుగా పది మంది ఓటర్లను నమోదు చేసినట్లు సమాజ్‌వాదీ పార్టీ (ఎస్పీ) ఫిర్యాదు చేసింది. ఈ నేపథ్యంలో తొమ్మిది మంది ఎన్నికల అధికారులు, సిబ్బందిపై చర్యలు చేపట్టారు. (10 voters listed as Same Name) అజంగఢ్ జిల్లాలో ‘వికాస్ యాదవ్’ పేరుతో 10 మంది ఓటర్లను తప్పుగా నమోదు చేసినట్లు ఎస్పీ ఆరోపించింది. ఒక ప్రెస్‌ మీట్‌లో ఆ వ్యక్తిని ప్రవేశపెట్టింది. దీనిపై విచారణ జరుపాలని ఆ పార్టీ డిమాండ్ చేసింది.

కాగా, ఉత్తరప్రదేశ్‌ ఎన్నికల కమిషన్‌ ఈ ఫిర్యాదుపై స్పందించింది. అజంగఢ్ జిల్లా ఎన్నికల అధికారి నుంచి నివేదిక కోరింది. ఒక వ్యక్తి పేరు మాత్రమే వికాస్ యాదవ్ కాగా, మిగిలిన 10 మందిని అదే పేరుతో తప్పుడు ఓటర్లుగా నమోదు చేసినట్లు బయటపడింది. ఓటర్ల జాబితాల నిర్వహణలో సహాయపడే ఒక కంప్యూటర్ సహాయకుడు, ఐదుగురు బూత్ స్థాయి అధికారులు ఈ పొరపాటుకు బాధ్యులని తేలింది. దీంతో వారిని వెంటనే ఓటర్ల జాబితా విధుల నుంచి తొలగించారు. ప్రజా ప్రాతినిధ్య చట్టంలోని సెక్షన్ 32 కింద చట్టపరమైన చర్యలకు కూడా ఆదేశాలు జారీ చేశారు.

మరోవైపు పిలిభిత్‌లో కూడా ఓటర్ల వివరాలలో 10,000కు పైగా అనధికారిక మార్పులు జరిగినట్లు ఎస్పీ ఆరోపించింది. యూపీ ప్రధాన ఎన్నికల అధికారి నవదీప్ రిన్వా స్పందించారు. రాష్ట్రవ్యాప్త విచారణకు ఆదేశించారు. అజంగఢ్‌లోని ఇతర అసెంబ్లీ నియోజకవర్గాల్లోని ఓటర్ల జాబితాలను తనిఖీ చేసి, వారంలోగా నివేదిక సమర్పించాలని జిల్లా ఎన్నికల అధికారిని కోరడంతో ఓటర్ల జాబితాలకు సంబంధించిన అనేక పొరపాట్లు వెలుగులోకి వచ్చాయి.