గతపు బాధలింక కడలిలో…

గతపు బాధలింక కడలిలో కలుపుచు వర్తమానమందు పరుగులిడుచు పడియు లేచు కెరట వడిని వొడిసిపట్టి భవితతీర్చి దిద్దు భరతవీర

గతపు బాధలింక కడలిలో కలుపుచు
వర్తమానమందు పరుగులిడుచు
పడియు లేచు కెరట వడిని వొడిసిపట్టి
భవితతీర్చి దిద్దు భరతవీర!

వ్యసనముల వీడి వ్యవసాయమునుజేసి
కలిసి మెలిసి బ్రతుక కలిమికలుగు
స్వార్థమెంతో చెడుగు సహవాసము జెరచు
చీడ పురుగు చెట్ల జెరచినట్టు.

పేదవారు కలిసి ప్రీతిగా బ్రతికిన
వేరుపరచజూచు పెద్దవారు
చిన్న లాభమునకె చిందులేయుటమాని
బ్రతుకు బాగు పడెడు బాట నడువు.

మంచివాడని యొకనినె యెంచి నమ్మి
వంచనకు లోనగుట నేడు గాంచుమయ్య
వ్యక్తి యారాధనెంతో యనర్థమిడును
మూఢభక్తివలెనె ముంచగలదు.

అడుగకుండగనె ధనమునాశజూపి
నీదుసాయమున పదవికెక్కు వాడు
నొప్పితెలియకుండనెనిన్ను పీల్చగలడు
జలగరీతిగ నిజమిదె తెలుసుకొనుము.

-చిలకమర్రి కృష్ణమాచార్యులు
99855 13883