దూరపు కొండలు
వెచ్చని పచ్చని చీర కట్టుకొని కన్నుల్లో కైపుల్ని నింపుకొని కవ్విస్తు ఉంటాయి అటేపు కొండలు ఎంత ముద్దుగా బొద్దుగా ఉంటాయో పొద్దు పొద్దున్నే సూత్తూనే ఉంటానా ఇంతలోనే పొద్దువాలిపోద్ది.
వెచ్చని పచ్చని చీర కట్టుకొని
కన్నుల్లో కైపుల్ని నింపుకొని
కవ్విస్తు ఉంటాయి అటేపు కొండలు
ఎంత ముద్దుగా బొద్దుగా ఉంటాయో
పొద్దు పొద్దున్నే సూత్తూనే ఉంటానా
ఇంతలోనే పొద్దువాలిపోద్ది
మురిసి మైమరుస్తూ బ్రతుకంతా
ఎదురుచూపుల ప్రేమపక్షవుద్ది
ఎక్కితేగానీ ఎత్తులు
దిగితేగానీ లోతులు తెల్వదాయే
కాలం కాళ్లను కట్టేసినట్టు
నేనటు పోయేట్టులేదు
దారులన్నీ మూసుకుపోయినట్టు
ఎప్పుడూ ఏవో తెలవని ముళ్లకంచెలు
కోరికలకు రెక్కల్ని తొడిగి
గిజిగాడిలా శ్రమించినా
దిగులుగూడు మారదాయే
దూరమెపుడూ చిక్కగా చక్కగా నునుపుగా
కళ్ల బడుతూనే ఉంటది కదా..
మిన్ను విరిగి మీద పడ్డట్టు
ఎదలో ఎప్పుడూ ఏదో మోయలేని బాధ
అశ్రువులను ఒలికిన కళ్లు
తేలికవ్వాలి..తేటతెల్లం కావాలి
బరువు తగ్గకుంటే..
ఇంకాస్త బోరుమని ఏడ్వు
పొరలు పొరలుగా తొలగిన మసకలు
దృశ్యాలను ప్రస్ఫుటం చేస్తుంటయి
దూరపు కొండల్ని ఒక్కపాలి
తనువును నిలువెల్లా విరుచుకుని చూడు
భ్రమలన్నీ శిథిలమైన మట్టిగోడల్లా
పెళపెళా రాలిపోతాయి
చూపులు నగ్నపునీతమవ్వటానికి
రెప్పపాటు కాలం చాలదూ
నువ్విప్పుడు నిలబడ్డ చోటే
నీడల ఊడల చెట్టయితది
ప్రశాంతంగా సేదతీరుతావు
సత్యం బోధ పడింది కదా..
కొండనాలుక కూడా కోయిలై కూస్తాంటది
ఇక దూరపుకొండల్ని నువ్వెప్పటికీ ఎక్కవు
కోర్కెల దీపం కొండెక్కుతుంది!
-డా.కటుకోఝ్వల రమేష్
9949083327
Read Today's Latest Literature-more News in Telugu and Telugu News
RELATED ARTICLES
తాజా వార్తలు
Mysaa | 29 ఏళ్ల తర్వాత మళ్లీ కలిసిన వందేమాతరం – సుద్దాల.. ‘మైసా’ నుంచి పవర్ఫుల్ విప్లవ గీతం నేడే!
IND vs NZ | కివీస్కు దీటుగా జవాబిస్తున్న టీమిండియా.. రెండో రోజు ఆట ముగిసే సమయానికి స్కోర్ ఎంతంటే..
NHRC | తెలంగాణలో ప్రభుత్వ దవాఖానల దుస్థితిపై జాతీయ మానవ హక్కుల కమిషన్ సీరియస్
Vishwambhara | ఎట్టకేలకు ఊపందుకున్న మెగాస్టార్ ‘విశ్వంభర’.. ట్రైలర్ రెడీ, రిలీజ్ డేట్ ఎప్పుడో?
లిఫ్ట్ అడిగి ఫోన్ దొంగలించేందుకు యత్నం.. యువకుడి గొంతు కోసిన దుండగుడు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

