పువ్వుతో మొక్క పదిలం

అపార్టుమెంట్ల పుణ్యమా అని మొక్కలన్నీ నేల మీద నుంచి కుండీల్లోకి వచ్చి చేరాయి. అవి బతికేందుకు నీరు కావాలంటే మనం పోస్తే తప్ప మరో అవకాశం లేదు. నాలుగు రోజులు పనులు ఎక్కువ ఉండి కుదరకపోయినా, ఏ ఊరికో వెళ్లినా వాటి పరిస్థితి ఇబ్బందికరంగానే ఉంటుంది.

అపార్టుమెంట్ల పుణ్యమా అని మొక్కలన్నీ నేల మీద నుంచి కుండీల్లోకి వచ్చి చేరాయి. అవి బతికేందుకు నీరు కావాలంటే మనం పోస్తే తప్ప మరో అవకాశం లేదు. నాలుగు రోజులు పనులు ఎక్కువ ఉండి కుదరకపోయినా, ఏ ఊరికో వెళ్లినా వాటి పరిస్థితి ఇబ్బందికరంగానే ఉంటుంది. అందుకే సెల్ఫ్‌ వాటరింగ్‌ ప్లాంటర్లు మార్కెట్లోకి వస్తున్నాయి. అంటే ప్రత్యేక అమరిక ద్వారా మొక్క అవసరాన్ని బట్టి కుండీలోని నీళ్లే కొద్ది కొద్దిగా మొక్కకు అందుతాయి. మరి అంతకు ముందే చక్కని కుండీల్లో ఉండే మొక్కల సంగతేంటి?!

అన్ని కుండీలూ ఇలా మార్చగలమా… అనే సమస్యకు పరిష్కారంగా మార్కెట్లో దొరుకుతున్నవే ‘తులిప్‌ షేప్డ్‌ సెల్ఫ్‌ వాటరింగ్‌ స్పైక్స్‌’. ఇవి తులిప్‌ పూల ఆకృతిలో ఉంటాయి. వీటి అడుగున సన్నటి పొడవాటి గొట్టంలాంటి అమరిక ఉంటుంది. ఈ పువ్వులో నీళ్లు పోసి మొక్క ఉన్న కుండీలో గుచ్చితే, మట్టిలో ఉన్న తేమ ఆధారంగా మెల్లిమెల్లిగా నీళ్లు నేరుగా మొక్కల వేర్లకు అందుతూ ఉంటాయి. మనం వీటిని ఏ కోణంలో అమర్చాం అన్నదాన్ని బట్టి నీళ్లు అందే వేగం మారుతూ ఉంటుంది. చూసేందుకు కూడా అందంగా, కుండీని అలంకరించినట్టుగా కనిపిస్తాయివి. ఇక, ఈ పువ్వులుంటే మొక్క పదిలమే మరి!