ఈమధ్యే ప్రియాంక చోప్రా ఓ మిర్రర్ సెల్ఫీ షేర్ చేసింది. జాగ్రత్తగా గమనిస్తే.. అందులో ఆమె మోకాళ్ల వెనకాల కొన్ని పట్టీలు కనిపిస్తాయి. దీన్నే ‘కనిసియో టేప్ ( Kinesio Tape }’ అంటారు. కండర సంబంధమైన గాయాల నుంచి ఉపశమనం కలిగిస్తుందీ పట్టీ. కొత్త గాయాలు కాకుండా అడ్డుకుంటుంది. కండరాలు, కీళ్లకు మద్దతు అందిస్తూ.. నొప్పిని నివారించే శక్తి దీనికి ఉంది. ఈ పట్టీని కాటన్తో తయారు చేస్తారు. ప్రమాదాలు, గాయాల నుంచి వేగంగా కోలుకునేలా సహకరిస్తుంది.
రక్తప్రసరణ సజావుగా సాగడానికి ఉపకరిస్తుంది. వీటిని ఒలింపిక్స్లాంటి ప్రత్యేక సందర్భాల్లో క్రీడాకారులు వాడతారు. నొప్పి, గాయం, వాపు ఉన్నచోట ఈ పట్టీని అతికిస్తే సరిపోతుంది. తొలగిస్తున్నప్పుడు జాగ్రత్తగా ఉండాలి. పట్టీ ఎన్నిరోజులు వేసుకోవాలి అనే ప్రశ్నకు కచ్చితమైన సమాధానం లేదు. ఒకటిరెండు రోజులకు మించి వాడటమూ మంచిదికాదు. అలర్జీ, చర్మ సమస్యలు ఉన్నవారు దూరం పెట్టాలి. అలా అని ఈ పద్ధతి వైద్యానికి ప్రత్యామ్నాయమూ కాదు. నిపుణులను సంప్రదించాల్సిందే. చికిత్స తీసుకోవాల్సిందే.