Collector Koya Sriharsha | యూరియా వాడకం తగ్గించేందుకు రైతులకు అవగాహన కల్పించాలి : కలెక్టర్ కోయ శ్రీహర్ష

Collector Koya Sriharsha | రైతులు అధిక మోతాదులో యూరియా వాడడం వల్ల భూసారం కోల్పోతుందని దానిని తగ్గించేలా సంబంధిత వ్యవసాయ శాఖ అధికారులు రైతులకు అవగాహన కల్పించాలని జిల్లా కలెక్టర్ కోయ శ్రీహర్ష సూచించారు.

పెద్దపల్లి రూరల్ : రైతులు అధిక మోతాదులో యూరియా(Urea) వాడడం వల్ల భూసారం కోల్పోతుందని, దానిని తగ్గించేలా సంబంధిత వ్యవసాయ శాఖ అధికారులు ( Officials ) రైతులకు అవగాహన కల్పించాలని జిల్లా కలెక్టర్ కోయ శ్రీహర్ష ( Collector Koya Sriharsa) సూచించారు.

పెద్దపల్లి మండలం బ్రాహ్మణపల్లి రైతు వేదికలో దుకాణాల డీలర్లు, వ్యవసాయ శాఖ అధికారులతో శనివారం అవగాహన సమావేశం నిర్వహించారు. ఈ సందర్భంగా కలెక్టర్ మాట్లాడుతూ రైతులు ఎకరానికి ఎంత మోతాదులో యూరియాను వాడాలో అంతే సరఫరా జరిగేలా చర్యలు తీసుకోబోతున్నామని అందుకు ప్రతి ఒక్కరు సహకరించాలన్నారు.

పరిమితికి మించి యూరియా వాడడం వల్ల కలిగే అనర్థాలపై రైతులకు వివరించాలని సూచించారు. యూరియా అమ్మకాలలో తేడాలు, బ్లాక్ చేసే విధానాలకు స్వస్తి పలికేందుకే త్వరలో ఒక యాప్ ను తయారు చేస్తున్నామని వివరించారు. కార్యక్రమంలో జిల్లా వ్యవసాయశాఖ అధికారి భక్తి శ్రీనివాస్ , జిల్లాలోని వివిదమండలాలకు చెందిన వ్యవసాయ శాఖ అధికారులు, డీలర్లు పాల్గొన్నారు.