నోయిడా, డిసెంబర్ 2: గ్రేటర్ నోయిడాకు చెందిన ఓ యువతి తన ప్రేమికుడి సాయంతో టీవీ సీరియల్లోని ఒక సన్నివేశాన్ని ఆధారంగా చేసుకొని మరో యువతిని హత్య చేసింది. ముఖంపై యాసిడ్, వేడి నూనె పోసి బాధితురాలి ముఖాన్ని గుర్తుపట్టకుండా ఉండేలా చేసి.. తానే చనిపోయినట్టు బంధువులను, పోలీసులను నమ్మించే ప్రయత్నం చేసింది. అప్పుల వాళ్ల నుంచి తప్పించుకొనేందుకు నిందితురాలు ఈ దారుణానికి ఒడిగట్టినట్టు పోలీసులు శుక్రవారం వెల్లడించారు. తన శరీర నిర్మాణం మాదిరిగానే ఉండే బాధితురాలితో ముందుగా స్నేహం చేసి, ఆ తర్వాత హత్య చేసేందుకు నిందితురాలు తమ ప్రేమికుడి సాయం తీసుకొన్నది.