Sam Altman | దయచేసి జీబ్లీ వాడకం తగ్గించండి.. ఓపెన్‌ ఏఐ సీఈవో శామ్‌ ఆల్ట్‌మన్‌

Sam Altman | ఇన్‌స్టా‌, ఫేస్‌బుక్‌, ఎక్స్.. ఇలా ఏ సోషల్‌ మీడియా ప్లాట్‌ఫామ్‌ను ఓపెన్‌ చేసినా ఫీడ్‌ మొత్తం జీబ్లీ (Ghibli) ఫొటోలతో నిండిపోతోంది. ప్రస్తుతం ప్రపంచవ్యాప్తంగా ‘జీబ్లీ స్టైల్‌ (Ghibli style)’ ఇమేజ్ జనరేటర్‌ ట్రెండ్‌ అవుతోంది.

Sam Altman : ఇన్‌స్టా‌, ఫేస్‌బుక్‌, ఎక్స్.. ఇలా ఏ సోషల్‌ మీడియా ప్లాట్‌ఫామ్‌ను ఓపెన్‌ చేసినా ఫీడ్‌ మొత్తం జీబ్లీ (Ghibli) ఫొటోలతో నిండిపోతోంది. ప్రస్తుతం ప్రపంచవ్యాప్తంగా ‘జీబ్లీ స్టైల్‌ (Ghibli style)’ ఇమేజ్ జనరేటర్‌ ట్రెండ్‌ అవుతోంది. యూజర్లను ఆకట్టుకునేందుకు ఓపెన్‌ ఏఐ సంస్థ ఇటీవల చాట్‌జీపీటీలో (ChatGPT) జీబ్లీ స్టూడియోను ప్రవేశపెట్టింది. దాంతో యూజర్లు తమ ఫొటోలను యానిమేషన్‌ తరహా చిత్రాలుగా మార్చుకుంటున్నారు.

అయితే కొత్తొక వింత పాతొక రోత అన్నట్లుగా ఈ కొత్త సదుపాయాన్ని యూజర్‌లు విపరీతంగా వినియోగిస్తున్నారు. దీనిపై ఓపెన్‌ ఏఐ సీఈవో శామ్‌ ఆల్ట్‌మన్‌ (Sam Altman) స్పందించారు. జీబ్లీ వినియోగం ఎక్కువగా ఉందని, ఈ విషయంలో యూజర్లు కాస్త కూల్‌గా ఉంటే బాగుంటుందని అభిప్రాయపడ్డారు. ‘మా సిబ్బందికి నిద్ర కూడా అవసరం కదా..! దయచేసి జీబ్లీ వినియోగం కాస్త తగ్గించండి.’ అని కోరారు.

ఓపెన్‌ ఏఐ సంస్థ ఇటీవల చాట్‌జీపీటీలో జీబ్లీ స్టైల్‌ ఇమేజ్‌ జనరేటర్‌ను ప్రవేశపెట్టింది. ఈ ఆప్షన్‌ను విపరీతంగా వినియోగిస్తుండడం వల్ల తమ జీపీయూ (GPU) వ్యవస్థపై అధిక భారం పడుతోందని, అందుకే దీనికి లిమిట్‌ పెడుతున్నామని ఓపెన్‌ ఏఐ సీఈవో శామ్‌ ఆల్ట్‌మన్‌ ఇటీవల పేర్కొన్నారు. ఇప్పటికే ఉచిత యూజర్లకు ఫొటోల జనరేషన్‌లో రోజుకు మూడు అనే పరిమితి విధించారు. మరోవైపు గ్రోక్‌లో కూడా ఈ ఫొటో జనరేషన్‌ ఆప్షన్‌ను యూజర్లు విరివిగా ఉపయోగిస్తున్నారు.