న్యూఢిల్లీ: రష్యా ఎన్నికలపై(Russian elections) యురోపియన్ యూనియన్ కామెంట్ చేసింది. ఆ ఎన్నికలు స్వేచ్ఛగా జరగలేదని ఫారిన్ పాలసీ చీఫ్ జోసెఫ్ బోర్నెల్ తెలిపారు. ఆ ఎన్నికల్లో అణిచివేత, బెదిరింపులకు పాల్పడినట్లు ఆయన ఆరోపించారు. రష్యా ఎన్నికల ఫలితాలపై త్వరలోనే 27 ఈయూ సభ్యదేశాలు సంయుక్త ప్రకటన చేయనున్నాయి. తాజాగా ముగిసిన దేశాధ్యక్ష ఎన్నికల్లో వ్లాదిమిర్ పుతిన్ విజయం సాధించారు. అయిదోసారి ఆయన దేశాధ్యక్ష బాధ్యతలు చేపట్టనున్నారు. ఎగ్జిట్ పోల్స్ ప్రకారం పుతిన్కు 87 శాతం ఓట్లు పోలయ్యాయి.
పుతిన్ నెగ్గింది సూడో ఎలక్షన్ అని జర్మనీ ఆరోపించింది. ఓటింగ్ స్వేచ్ఛగా, న్యాయబద్దంగా జరగలేదని అమెరికా తెలిపింది. అధికార దాహంతో పుతిన్ ఉన్నారని ఉక్రెయిన్ అధ్యక్షుడు జెలెన్స్కీ ఆరోపించారు. ఎన్నటికీ పరిపాలనను తన చేతుల్లో ఉంచుకునేందుకు ప్రయత్నిస్తున్నారన్నారు.
అమెరికా ప్రజాస్వామ్యం కన్నా రష్యా ప్రజాస్వామ్య బెటర్ అని పుతిన్ అన్నారు. ఉక్రెయిన్లోని రష్యా ఆక్రమిత ప్రాంతాలైన జపొరిజియా, ఖేర్సన్, డోనస్కీ, లుహాన్స్, క్రిమియాలో కూడా ఓట్లు వేశారు. దేశవ్యాప్తంగా సుమారు 77 శాతం పోలింగ్ జరిగింది.