Visit:
Pakistan Cop | పాకిస్థాన్లో ఓ పోలీసు అధికారిణి చేసిన ఓవర్యాక్షన్ ఇప్పుడు సోషల్మీడియాలో వైరల్గా మారింది. పాడ్కాస్ట్ ఇంటర్వ్యూ మధ్యలోనే మర్డర్ కేసు వచ్చిందంటూ లేచి వెళ్లిపోయి, గంట తర్వాత తిరిగొచ్చి కేసు వివరాలను చెప్పడంపై నెటిజన్లు తీవ్రంగా ట్రోల్ చేస్తున్నారు. కిడ్నీ టచింగ్ ఓవర్ యాక్షన్ అంటూ కామెంట్లు పెడుతున్నారు.
వివరాల్లోకి వెళ్తే.. లాహోర్లో ఏఎస్పీగా పనిచేస్తున్న షెహ్రాబానో నఖ్వీకి డిపార్ట్మెంట్లో మంచి పేరుంది. తన పనితీరుతో ఇప్పటికే పలు అవార్డులు అందుకుంది. అయితే ఇటీవల ఆమె ఒక పాడ్కాస్ట్ ఇంటర్వ్యూకి హాజరయ్యారు. ఆ సమయంలో షెహ్రాబానోకు ఒక కాల్ వచ్చింది. కాల్ మాట్లాడిన అనంతరం “ఎస్హెచ్వో నుంచి కాల్ వచ్చింది. నేను ఇప్పుడే వెళ్లి వచ్చేస్తా” అని చెప్పి ఇంటర్వ్యూ మధ్యలో నుంచే వెళ్లిపోయారు. దాదాపు గంట తర్వాత తిరిగొచ్చిన ఆమె.. ఒక మర్డర్ జరిగిందని తెలిపారు. లాహోర్ డిఫెన్స్ ఫేజ్ – ఏలోని కే బ్లాక్లో డబ్బుల విషయంలో స్నేహితుల మధ్య గొడవ జరిగిందని.. దీంతో ప్లాన్ చేసి ఒక స్నేహితుడు మరొకరిని హత్యకు యత్నించాడని పేర్కొన్నారు. అయితే పోలీసులు చేరే సరికి బాధితుడు చనిపోయాడని.. నిందితుడిని మాత్రం పట్టుకున్నామని చెప్పారు. ఇంట్లో బందీలుగా ఉన్న చిన్నారితో సహా అందర్నీ సురక్షితంగా బయటకు తీసుకొచ్చామని వివరించారు. ఈ వీడియో సోషల్మీడియాలో వైరల్గా మారింది. దాన్ని చూసిన నెటిజన్లు తీవ్రంగా ట్రోల్ చేస్తున్నారు.
అసలు ఈ స్క్రిప్టు రాసింది ఎవరు.. గంటలోనే కేసు అంతా అయిపోయిందా అని ప్రశ్నిస్తున్నారు. కిడ్నీ టచింగ్ యాక్టింగ్ అంటూ కామెంట్లు పెడుతున్నారు. గంటలో వెళ్లి, కేసు పరిష్కరించి, తిరిగొచ్చి పాడ్కాస్ట్లో వివరాలివ్వడం అద్భుతమని.. సూపర్ విమెన్ అని పలువురు సెటైర్లు వేస్తున్నారు. అయితే ఇదే ఏఎస్పీ షెహ్రాబానో గతంలో ప్రశంసలు అందుకున్నారు. అరబిక్ అక్షరాలు ఉన్న కుర్తా ధరించిందనే కారణంతో బ్లాస్ఫెమీ అంటూ ఓ మహిళపై గుంపు దాడికి దిగింది. అప్పుడు సమయానికి జోక్యం చేసుకున్న ఏఎస్పీ షెహ్రాబానో ఆ గుంపును శాంతింపజేసి, మహిళను రక్షించారు. కానీ అదే పోలీసు అధికారిణి.. ఇప్పుడు ఓవర్యాక్షన్తో పాక్ సోషల్మీడియాలో హాట్ టాపిక్గా మారింది.
کسی مہذب معاشرے میں ایک پولیس افسر یہ ناٹک کرتی تو اُسے نا صرف برطرف کیا جاتا بلکہ جیل ہو جاتی ! ایک گھنٹے میں FIR نہیں لکھی جاتی اس نے نا صرف قاتل پکڑ لیا وجہ قتل اور ساری کہانی میڈیا پر بتا دی عدالتیں جس کام میں سالوں لگا دیتی ہیں اس نے ایک گھنٹے میں کر دیا ۔۔ واہ دی دی واہ pic.twitter.com/1loxSxQGWV
— AliZai Vlogs (@alizaihere) December 21, 2025
