లండన్: నెట్ఫ్లిక్స్ ఓటీటీ ఫ్లాట్ఫామ్ యూజర్లకు ఆ సంస్థ షాక్ ఇవ్వనున్నది. కుటుంబ సభ్యులకు, స్నేహితులకు పాస్వర్డ్ షేర్ చేస్తున్న నెట్ఫ్లిక్స్ యూజర్లకు జరిమానా విధించనున్నారు. ఇక బ్రిటన్లో పాస్వర్డ్ షేర్ చేసే వారిపై ఏకంగా క్రిమినల్ కేసులు పెట్టాలని యోచిస్తున్నారు. ఇంటలెక్యువల్ ప్రాపర్టీ ఆఫీసు (ఐపీఓ).. పాస్వర్డ్ షేరింగ్ను నేరంగా పరిగణించనున్నది. వచ్చే ఏడాది ఆరంభం నుంచి పాస్వర్డ్ షేర్ చేసే యూజర్ల నుంచి అదనపు ఛార్జీ వసూల్ చేయనున్నట్లు ఇప్పటికే నెట్ఫ్లిక్స్ స్పష్టం చేసింది.
టీవీ సీరిస్లు, సినిమాలు, స్పోర్ట్స్ ఈవెంట్లను అనుమతి లేకుండా యాక్సెస్ చేయడం నేరం అవుతుందని ఐపీవో పేర్కొన్నది. పాస్వర్డ్ షేరింగ్ విషయంలో స్ట్రీమింగ్ సంస్థ కోర్టులను ఆశ్రయించే అవకాశం కల్పిస్తున్నట్లు ఐపీవో తెలిపింది. పాస్వర్డ్ షేరింగ్ వల్ల తమ ఆదాయం పడిపోయినట్లు నెట్ఫ్లిక్స్ ఇటీవల వెల్లడించింది.