ఆరు ఫుల్ టైమ్ జాబ్స్ చేస్తున్న వ్య‌క్తి.. అన్నీ వ‌ర్క్ ఫ్ర‌మ్ హోమ్ జాబ్సే.. ఎంత సంపాదిస్తున్నాడో తెలుసా?

తాను ఆరు కంపెనీల‌లో ఉద్యోగాలు చేస్తున్న‌ట్టు ప్ర‌క‌టించాడు. అంటే ఆరు ఫుల్ టైమ్ జాబ్స్ అన్న‌మాట‌. ఐటీ కంపెనీలో ప‌ని చేసే అత‌డు

ఒక్క ఉద్యోగం చేయ‌డానికే మ‌న‌కు త‌ల ప్రాణం తోక‌కు వ‌స్తుంది. కానీ.. ఓ వ్య‌క్తి మాత్రం ఏకంగా ఆరు ఫుల్ టైమ్ జాబ్స్ చేస్తున్నాడు. అన్నీ వ‌ర్క్ ఫ్రమ్ హోమ్ జాబ్సే. విన‌డానికి ఆశ్చ‌ర్యంగా ఉంది క‌దా. కానీ.. ఇది నిజం. యూర‌ప్‌కు చెందిన ఓ రెడిట్ యూజ‌ర్.. తాను ఆరు కంపెనీల‌లో ఉద్యోగాలు చేస్తున్న‌ట్టు ప్ర‌క‌టించాడు. అంటే ఆరు ఫుల్ టైమ్ జాబ్స్ అన్న‌మాట‌. ఐటీ కంపెనీలో ప‌ని చేసే అత‌డు.. క‌రోనా మ‌హ‌మ్మారి వల్ల ఇత‌ర ఉద్యోగాలు కూడా చేయాల్సి వ‌చ్చింద‌ట‌. దీంతో ఆరు ఉద్యోగాలు చేయ‌డం మొద‌లు పెట్టాడు. 2022 సంవ‌త్స‌రంలో ఆ ఉద్యోగాల ద్వారా సుమారు రూ.5.27 కోట్లు సంపాదించ‌బోతున్నాట‌.

వ‌ర్క్ ఫ్ర‌మ్ హోమ్ వ‌ల్ల నాకు ఎక్కువ ఉద్యోగాలు చేసే అవ‌కాశం వ‌చ్చింది. మిలియ‌నీర్ కావ‌డ‌మే నా ల‌క్ష్యం. అందుకే ఆరు కంపెనీల‌లో వ‌ర్క్ చేస్తున్నా. ఆఫీస్‌కు వెళ్లాల్సిన అవ‌స‌రం లేదు కాబ‌ట్టి.. ఆరు కంపెనీల‌ను మేనేజ్ చేయ‌గ‌లుగుతున్నా. 40 ఏళ్ల‌కే రిటైర్ అవ్వాల‌నేది నా గోల్.. అంటూ రెడిట్‌లో ఆ యూజ‌ర్ చెప్పుకొచ్చాడు.

నిజంగానే నువ్వు ఆరు ఉద్యోగాలు చేస్తున్నావా. అదెలా సాధ్యం. అవి కాంట్రాక్ట్ జాబ్స్ కావ‌చ్చు. ఫ్రీలాన్స‌ర్‌గా వ‌ర్క్ చేస్తున్నావా ఏంటి.. మాకు కూడా కొన్ని టిప్స్ ఇవ్వొచ్చు క‌దా అంటూ నెటిజ‌న్లు కామెంట్లు చేస్తున్నారు.