Bernard Arnault: 200 బిలియ‌న్ల డాల‌ర్లు దాటిన బెర్నార్డ్ అర్నాల్ట్ సంప‌ద‌

Bernard Arnault: 2.4 బిలియ‌న్ల డాల‌ర్ల నుంచి 201 బిలియ‌న్ల డాల‌ర్ల‌కు బెర్నార్డ్ సంప‌ద పెరిగింది. లూయిస్ విట్టాన్ కంపెనీ షేర్లు గ‌త ఏడాది దాదాపు 30 శాతం పెరిగాయి. దీంతో ఆయ‌న ఆస్తుల విలువ కూడా ఆ రేంజ్‌లోనే పెరిగింది.

న్యూయార్క్‌: లూయిస్ విట్టాన్ సీఈవో బెర్నార్డ్ అర్నాల్ట్(Bernard Arnault) సంప‌ద మ‌రింత రెట్టింపు అయ్యింది. మంగ‌ళ‌వారం ఆయ‌న సంప‌ద(fortune) విలువ 200 బిలియ‌న్ల డాల‌ర్లు దాటింది. ప్ర‌పంచవ్యాప్తంగా ల‌గ్జ‌రీ ఐట‌మ్స్‌కు ఫుల్ డిమాండ్ పెర‌గ‌డంతో.. లూయిస్ విట్టాన్(Louis Vuitton) కంపెనీ వ‌స్తువుల‌ సేల్స్ గ‌త ఏడాది భారీగా పెరిగాయి. దీంతో ఆ కంపెనీ షేర్లు అమాంతంగా 30 శాతం పెరిగాయి. గ‌త ఏడాది ఆయ‌న సంప‌ద దాదాపు 40 బిలియ‌న్ల డాల‌ర్లు పెరిగిన‌ట్లు బ్లూమ్‌బ‌ర్గ్ బిలియ‌నీర్స్ ఇండెక్స్ పేర్కొన్న‌ది.

లూయిస్ విట్టాన్‌కు చెందిన క్రిస్టియ‌న్ డ‌యిర్ కంపెనీలో బెర్నార్డ్ కు దాదాపు 98 శాతం వాటా ఉన్న‌ది. అయితే మంగ‌ళ‌వారం ఒక్క రోజే ఆ కంపెనీ దాదాపు 3 బిలియ‌న్ల డాల‌ర్ల ఆదాయాన్నిఆర్జించింది. రెండు కంపెనీల షేర్లు దూసుకెళ్ల‌డంతో లూయిస్ విట్టాన్ సీఈవో ఆస్తులు పెరిగాయి. 2.4 బిలియ‌న్ల డాల‌ర్ల నుంచి 201 బిలియ‌న్ల డాల‌ర్లు ఆయ‌న ఆస్తులు చేరుకున్న‌ట్లు బ్లూమ్‌బ‌ర్గ్ చెప్పింది. వ్య‌క్తిగ‌తంగా 200 బిలియ‌న్ల డాల‌ర్ల‌ మార్క్ దాటిన మూడ‌వ సంప‌న్న వ్య‌క్తిగా ఆయ‌న నిలిచారు.

ఎల‌న్ మ‌స్క్ గ‌త ఏడాది 44 బిలియ‌న్ల డాల‌ర్లు పెట్టి ట్విట్ట‌ర్‌ను కొనుగోలు చేయ‌డం.. ఆ త‌ర్వాత ఎల‌క్ట్రిక్ వాహ‌నాల సంస్థ టెస్లా షేర్లు ప‌డిపోవ‌డంతో.. ఆయ‌న సంప‌ద 25 బిలియ‌న్ల డాల‌ర్లు త‌గ్గింది. ఇక 128 బిలియ‌న్ల డాల‌ర్ల‌తో జెఫ్ బేజోష్ ప్ర‌పంచంలో మూడ‌వ అత్యంత ధ‌న‌వంతుడిగా నిలిచారు. 2020 ఆగ‌స్టులోనే బేజోష్ సంప‌ద 200 బిలియ‌న్ల మార్క్‌ను దాటేసింది.