Visit:
జెరూసలేం: పాలస్తీనాకు చెందిన ప్రముఖ సాయుధ సంస్థ హమాస్ తన కొత్త రాజకీయ విభాగం అధిపతిగా సీనియర్ నేత ఖలీద్ అల్ హయ్యాను నియమించింది. సంస్థలో అత్యంత అనుభవజ్ఞులైన నేతల్లో ఒకరైన ఆయనను ఈ అత్యున్నత పదవికి ఎంపిక చేశారని ‘రాయిటర్స్’ తెలిపింది. ఖలీద్ అల్ హయ్యా 1960లో గాజా స్ట్రిప్లో జన్మించారు. 1980ల ప్రారంభంలో ముస్లిం బ్రదర్ హుడ్లో చేరిన ఆయన 1987లో హమాస్ సంస్థ ఏర్పాటైనపుడు వ్యవస్థాపక సభ్యుల్లో ఒకరిగా ఉన్నారు. సంస్థలో వివిధ స్థాయిల్లో పనిచేసిన ఆయన దివంగత నేతలు ఇస్మాయిల్ హనియా, హయ్యా సిన్వర్లకు అత్యంత సన్నిహితునిగా మెలిగారు. ఇజ్రాయెల్తో కాల్పుల విరమణ చర్చల్లో అల్ హయ్యా కీలక పాత్ర పోషించారు.
