Joe Biden | నేవీ జాన్ రాబ‌ర్ట్స్ నా మ‌నుమ‌రాలే.. జో బైడెన్ క్లారిటీ..

Joe Biden | తన కొడుకు హంటర్ బైడెన్, ఆయన భార్య లండెన్ రాబర్ట్స్ కూతురు నేవీ జాన్ రాబర్ట్స్ తన మనుమరాలేనని అమెరికా అధ్యక్షుడు జో బైడెన్ అంగీకరించారు.

Joe Biden | నేవీ జాన్ రాబ‌ర్ట్స్ అనే నాలుగేండ్ల చిన్నారి త‌న మ‌నుమ‌రాలేన‌ని అమెరికా అధ్య‌క్షుడు జో బైడెన్ స్ప‌ష్టం చేశారు. త‌న కొడుకు హండ‌ర్ బైడెన్‌, లండెన్ రాబ‌ర్ట్స్ దంప‌తుల‌కు జ‌న్మించిన సంతాన‌మేన‌ని చెప్పారు. ఆమె త‌న ఏడో మ‌నుమ‌రాల‌ని పేర్కొన్నారు. ఈ అంశంపై అమెరికాలో కొన్ని రోజులుగా చ‌ర్చ జ‌రుగుతున్న నేప‌థ్యంలో జో బైడెన్ వివ‌ర‌ణ ప్రాధాన్యం సంత‌రించుకున్న‌ది. త‌మ మ‌నుమ‌లంద‌రికీ మంచే జ‌రుగాల‌ని కోరుకుంటున్న‌ట్లు తాను, అమెరికా ప్ర‌థ‌మ మ‌హిళ జిల్ బైడెన్ కోరుకుంటున్నామ‌న్నారు.

`మా కొడుకు హంట‌ర్ బైడెన్‌, అత‌డి భార్య లండెన్ రాబ‌ర్ట్స్ వారి కూతురి ప్ర‌యోజ‌నాల కోసం ఆమె ప్రైవ‌సీని కాపాడుతూ ఉన్నారు` అని ఓ వార్తా సంస్థ‌కు ఇచ్చిన ఇంట‌ర్వ్యూలో జో బైడెన్ తెలిపారు. ఇది కేవ‌లం కుటుంబ ప‌ర‌మైన అంశం మాత్ర‌మేన‌ని, విమ‌ర్శ‌ల‌కు తావులేద‌ని తేల్చి చెప్పారు. నేవీ జాన్ రాబ‌ర్ట్స్ పెంప‌కం బాధ్య‌త‌ల‌పై ఆమె త‌ల్లి లండెన్ లాబ‌ర్ట్స్ కోర్టులో పిటిష‌న్ వేయ‌డంతో ఈ సంగ‌తి బ‌య‌ట ప‌డింది. కోర్టు తీర్పు మేర‌కు హంట‌ర్ బైడెన్‌కు డీఎన్ఏ ప‌రీక్ష‌లు నిర్వ‌హించ‌డంతో ఆ చిన్నారికి తండ్రి అని తేలింది. దీంతో నేవీ జాన్ రాబ‌ర్ట్స్ పెంప‌కం బాధ్య‌త హంట‌ర్ బైడెన్‌, లండెన్ రాబ‌ర్ట్స్ చేప‌ట్టాల‌ని కోర్టు ఆదేశించింది.