Explosion | పాకిస్థాన్‌ అణు విభాగం వద్ద పేలుడు శబ్దం.. సంఘటనా స్థలానికి దూసుకెళ్లిన ఫైర్‌ ఇంజిన్లు, అంబులెన్సులు

Explosion | పాకిస్థాన్ అణు విభాగం వద్ద భారీ పేలుడు శబ్దం వినిపించింది. (Explosion) ఈ నేపథ్యంలో ఫైర్‌ ఇంజిన్లు, అంబులెన్స్‌లు సంఘటనా స్థలం వైపు దూసుకెళ్లాయి. పాకిస్థాన్‌లోని డేరా ఘాజీ ఖాన్‌ ప్రాంతంలో ఈ సంఘటన జరిగింది.

ఇస్లామాబాద్‌: పాకిస్థాన్ అణు విభాగం వద్ద భారీ పేలుడు శబ్దం వినిపించింది. (Explosion) ఈ నేపథ్యంలో ఫైర్‌ ఇంజిన్లు, అంబులెన్స్‌లు సంఘటనా స్థలం వైపు దూసుకెళ్లాయి. పాకిస్థాన్‌లోని డేరా ఘాజీ ఖాన్‌ ప్రాంతంలో ఈ సంఘటన జరిగింది. పాకిస్థాన్‌ ఆర్మీ నియంత్రణలో ఉన్న ప్రభుత్వ అణు ఇంధన విభాగం సమీపంలో శుక్రవారం భారీ పేలుడు సంభవించింది. సుమారు 50 కిలోమీటర్ల దూరం వరకు ఈ పేలుడు శబ్దం వినిపించింది. ఈ నేపథ్యంలో పోలీస్‌, ఫైర్‌ ఇంజిన్ల వాహనాలతోపాటు అంబులెన్స్‌లు ఆ ప్రాంతానికి వెళ్లాయి. దీనికి సంబంధించిన వీడియో క్లిప్‌లు సోషల్‌ మీడియాలో వైరల్‌ అయ్యాయి.

కాగా, రెండు రోజుల కిందట పాకిస్థాన్‌లోని బలూచిస్థాన్‌, ఖైబర్ పఖ్తున్ఖ్వా ప్రావిన్స్‌లలో కొన్ని గంటల తేడాతో ఆత్మాహుతి బాంబు పేలుళ్లు జరిగాయి. ఈ సంఘటనలో సుమారు 65 మంది మరణించారు. ఈ రెండు సూసైడ్‌ బాంబ్‌ బ్లాస్ట్‌లు మసీదుల సమీపంలో సంభవించాయి. అక్కడ ఉన్న పోలీసులు, ర్యాలీ లక్ష్యంగా ఈ దాడులు జరిగినట్లు తెలుస్తున్నది.

🚨 Huge blast at pakistan military's (SPD) Atomic weapons development facility in DG Khan. pic.twitter.com/7bqBmy7Ohb

— OSINT Updates (@OsintUpdates) October 6, 2023