న్యూజిలాండ్‌ కొత్త ప్రధానిగా క్రిస్‌ హిప్‌కిన్స్‌

న్యూజిలాండ్‌ కొత్త ప్రధానిగా క్రిస్‌ హిప్‌కిన్స్‌ బాధ్యతలు స్వీకరించనున్నారు. ఇంతకాలం ప్రధానిగా ఉన్న జెసిండా ఆర్డెన్‌ రాజీనామా చేస్తున్నట్టు గురువారం ప్రకటించిన విషయం తెలిసిందే.

వెల్లింగ్టన్‌, జనవరి 22: న్యూజిలాండ్‌ కొత్త ప్రధానిగా క్రిస్‌ హిప్‌కిన్స్‌ బాధ్యతలు స్వీకరించనున్నారు. ఇంతకాలం ప్రధానిగా ఉన్న జెసిండా ఆర్డెన్‌ రాజీనామా చేస్తున్నట్టు గురువారం ప్రకటించిన విషయం తెలిసిందే. దీంతో అధికార లేబర్‌ పార్టీ ప్రతినిధులు ఆదివారం సమావేశమై పార్టీ కొత్త నాయకుడిగా, దేశానికి 41వ ప్రధానిగా క్రిస్‌ హిప్‌కిన్స్‌ను ఎన్నుకున్నారు. బుధవారం నాడు ప్రధానిగా బాధ్యతలు స్వీకరిస్తానని క్రిస్‌ హిప్‌కిన్స్‌ తెలిపారు. ప్రస్తుతం దేశం ఎదుర్కొంటున్న అధిక ద్రవ్యోల్బణం, గృహాల అధిక ధరలు వంటి సమస్యలతో పాటు శాంతిభద్రతలపై దృష్టి సారిస్తానని పేర్కొన్నారు. కాగా, ఈ ఏడాది అక్టోబరు 14న న్యూజిలాండ్‌లో సార్వత్రిక ఎన్నికలు జరగనున్నాయి.