Alligator Guards Woman’s Body | మహిళపై మొసలి దాడి.. ఆ తర్వాత ఆమె మృతదేహానికి రక్షణ

Alligator Guards Woman’s Body | ఒక మహిళపై మొసలి దాడి చేసింది. ఆ తర్వాత ఆమె మృతదేహానికి అది రక్షణగా ఉంది. (Alligator Guards Woman’s Body ). ఆమె సమీపానికి ఎవరినీ రానివ్వలేదు.

వాషింగ్టన్‌: ఒక మహిళపై మొసలి దాడి చేసింది. ఆ తర్వాత ఆమె మృతదేహానికి అది రక్షణగా ఉంది. (Alligator Guards Woman’s Body ). ఆమె సమీపానికి ఎవరినీ రానివ్వలేదు. విస్తూపోయే ఈ సంఘటన అమెరికాలో జరిగింది. సౌత్ కరోలినాలోని హిల్టన్ హెడ్ ఐలాండ్‌కు చెందిన 69 ఏళ్ల వృద్ధురాలు మంగళవారం తన పెంపుడు కుక్కతో కలిసి వాకింగ్‌కు వెళ్లింది. అయితే గోల్ఫ్ కోర్స్ సమీపంలోని మడుగు వద్ద ఒక మొసలి ఆ మహిళపై దాడి చేసింది. దీంతో ఆమె అచేతనంగా అక్కడ పడి ఉంది. గమనించిన స్థానికులు పోలీసులకు సమాచారం ఇచ్చారు.

కాగా, బ్యూఫోర్ట్ కౌంటీ పోలీసులు వెంటనే సంఘటనా స్థలానికి చేరుకున్నారు. అయితే వృద్ధురాలిపై దాడి చేసిన మొసలి ఆమె మృతదేహానికి కాపాలాగా ఉంది. మృతదేహం దగ్గరకు ఎవరినీ రావ్వలేదు. రెస్క్యూ ఆపరేషన్‌ను కూడా అడ్డుకున్నది. చివరకు పోలీసులు ఆ మొసలిని అక్కడి నుంచి తొలగించారు. అనంతరం రెస్క్యూ ఆపరేషన్‌ కొనసాగించారు. మహిళ మృతదేహాన్ని స్వాధీనం చేసుకున్నారు. పోస్ట్‌మార్టం కోసం ఆసుపత్రికి తరలించారు. బ్యూఫోర్ట్ కౌంటీలో మొసలి దాడి చేయడం ఏడాదిలోపు రెండో సంఘటన అని పోలీసులు పేర్కొన్నారు.