Fish with hands | ఆస్ట్రేలియా బీచ్‌లో వింత చేప దర్శనం.. పూర్వ వాజాలకు బదులుగా చేతులు

Fish with hands | సాధారణంగా అయితే చేపలలో చలనాంగాలుగా వాజాలు తోడ్పడుతాయి. చేప ఈదడానికి, నీటిలో కిందికి పైకి వెళ్లడానికి, నీటి నడుమ కదలకుండా సమతాస్థితిలో ఆగడానికి, తాను ప్రయాణిస్తున్న దిశను మార్చుకోవడానికి ఈ వాజాలు తోడ్పడుతాయి.

టాస్మానియా: సాధారణంగా అయితే చేపలలో చలనాంగాలుగా వాజాలు తోడ్పడుతాయి. చేప ఈదడానికి, నీటిలో కిందికి పైకి వెళ్లడానికి, నీటి నడుమ కదలకుండా సమతాస్థితిలో ఆగడానికి, తాను ప్రయాణిస్తున్న దిశను మార్చుకోవడానికి ఈ వాజాలు తోడ్పడుతాయి. అంతేతప్ప ఒకచోట నుంచి మరో చోటుకు వెళ్లడానికి వాటికి మనుషుల మాదిరిగా కాళ్లు, చేతులు ఉండవు. కానీ ఆస్ట్రేలియాలో తాజాగా ఓ వింత చేప దర్శనమిచ్చింది. దాని పొట్టకింద పూర్వ వాజాలకు బదులుగా రెండు చేతులు ఉన్నాయి.

ఆస్ట్రేలియాలోని టాస్మానియా బీచ్‌లో కెర్రీ యారే అనే మహిళ ఈ వింత చేపను గుర్తించింది. తాను బీచ్‌లో రన్నింగ్‌ చేస్తుండగా ఇసుకపై ఒక చేప కనిపించిందని, సాధారణ పఫర్‌ఫిష్‌ అనుకుని మరింత దగ్గరికి వెళ్లిచూడగా ఇసుకలో దాని కాళ్లు కనిపించాయని కెర్రీ తెలిపింది. కాగా, ఈ వింత చేప జాతి చాలా పురాతనమైనదని, ఇప్పుడు అవి అంతరించిపోతున్న దశలో ఉన్నాయని జీవశాస్త్రవేత్తలు చెబుతున్నారు.

అంతరించిపోతున్న సముద్ర జీవుల్లో ఈ వింత చేపలే ముందున్నాయని అంటున్నారు. ప్రస్తుతం ప్రపంచం మొత్తం మీద వీటి జనాభా 2,000 కు మించి ఉండదని చెబుతున్నారు. ఈ అరుదైన జాతి చేపలు అంతరించిపోకుండా కాపాడుకోవడానికి చర్యలు చేపట్టాల్సిన అవసరం ఉందంటున్నారు. ఈ చేపలు తన చేతులను సముద్రం ఉపరితలంపైన, ఒడ్డున ఇసుకపై నడవడానికి ఉపయోగించుకుంటాయని చెప్పారు.